唔少創作人都會喺生活中嘅趣事搵靈感，而集編、導、演於一身嘅彭秀慧日前就喺的士有奇遇，車程經歷「撞鬼」，唔少人都覺得佢嘅經歷好得意，叫佢將古仔拍成電影。
彭秀慧日前分享佢嘅搭的士疑似撞鬼嘅故事，佢形容司機大概50幾歲：「一上車聽到佢聽緊MC張天賦，我坐喺後面忙於回覆訊息，突然間我聽到有另一首歌：『今天憶當初 我只愛你一個 心裏有句說話 要對你說清楚...』好明顯就係譚詠麟嘅小風波，仲要都幾大聲。兩首歌jam 埋一齊，一方面有啲干擾，一方面我奇怪點解司機可以兩隻歌一齊播.... 冇幾耐，隻譚詠麟完咗。我問司機：『點解你可以同時播兩隻歌嘅？』 」
點知司機表示自己一路聽緊張天賦：「冇啊，我冇聽譚詠麟，我唔聽譚詠麟。 」更加堅稱：「真係冇喎！唔信你睇吓我個playlist！」彭秀慧睇到司機大哥嘅歌單都係呢個年代嘅，令到佢開始有少少靈異感；之後司機突然問係咪「阿伯」，令到彭秀慧更加驚，以為前座坐咗個阿伯喺度佢睇唔到。
不過司機即時話：「頭先喺燈口有個阿伯喺我哋車側邊行過，係咪個阿伯自己開住個音樂聽呀，你知啲阿伯開音樂好大聲。」不過彭秀慧就話佢見唔到，就算係，都認為車出面嘅聲音入唔到車廂入面。彭秀慧令到司機都開始覺得出奇，更提議一齊開車cam睇，而呢個時候，突然間又再傳出《小風波》，司機馬上將佢本身播緊嘅音樂關咗，好清楚咁聽到譚詠麟唱緊歌：「心裏有句說話 要對你說清楚 可否息風波...」於是彭秀慧開咗電話嘅電筒，周圍望下個車廂，結果有一個舊款嘅三星電話連電話套攝咗喺車門側邊，響緊鈴聲就係譚詠麟嘅《小風波》。
故事嘅結局就係彭秀慧上一手嘅乘客跌咗電話，打返嚟問司機去咗邊。而後車程嘅後半段，彭秀慧同司機不停咁互相分享人生經歷過嘅靈異事件。彭秀慧指當一個最有趣嘅對話係：「你識得《小風波》，你都暴露咗年齡。」
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
