王晶自揭被傅聲亡靈纏身真相 癡心情長劍曾願為某人犧牲一切

 昨晚請來導演王晶擔任嘉賓，入行多年拍過不少類型電影，當中包括鬼片。他自爆一個拍鬼片原因，他笑說︰「鬼片成本低效益大，好多人鍾 意睇，我哋乜嘢收得就拍，蝕本機會低。」梁思浩提到王晶講過曾被已故動作巨星傅聲亡靈纏身，王晶解釋話︰「嗰時拍《花心大少》同阿叻、汪禹、傅聲 好老友，成日一齊玩。傅聲撞車出事時仲拍緊我套新戲，拍咗7日。」之後王晶打算請教一位玄學女師傅，如何處理未拍完的電影，豈料傾了幾句之後就被師傅打發走。事後有友人向王晶表示「師傅話傅聲跟住你，仲滿面鮮血」，王晶心諗難度好友有事要交托，但再想深一層認為不可信，他表示有見過傅聲最後一面，無面部傷痕：「佢係畀電池撞爆內臟，雖然我見佢嗰陣都清潔晒，（身體）青色喇已經，但係係乾乾淨淨，一樣咁靚仔，佢點會滿面鮮血啫。」王晶後續亦沒有找師傅再處理被指遭傅聲鬼魂跟着一事。

節目中思浩提到跟已故鬼才霑叔黃霑合作主持《城市追擊》，茶餘飯後霑叔慨嘆 前世冤孽，王晶不諱言亦遇到類此情況︰「我會覺得其實係『前生冤孽』，因為 我其實好有原則、好硬頸嘅人。但為咗某個人，覺得就算犧牲一切，放棄底線 都值得。」他直言這個人是自己前生冤孽。思浩追問是否願意為對方放下一切 時，王晶直言︰「我相信都放下咗好多。」王晶最後覺醒因為霑叔前車可鑒， 他說︰「霑叔嘅例子係一塊鏡警醒咗我，我醒係因為睇到佢，霑叔咁叻都咁 樣，我無佢咁叻，所以我早啲放手，當然點都會痛。」

+13

+12

點擊圖片放大

王晶縱橫演藝圈數十年，合作過的女藝人稱為「晶女郎」，當中有不少傳過緋聞，當中以邱淑貞最為人熟知。王晶曾公開表示欣賞邱淑貞，又指多次找她合作並不是因為個人的喜好，而是認為她真的有天份、有潛質，而且很努力。有傳就連當年已為人夫的王晶戀上邱淑貞，邱淑貞拍過的53部電影裏，與王晶合作的就有22部之多。二人並沒有公開承認此事，而王晶在後期上電台節目《戀上你的床》訪問中暗示過曾與圈中一位名叫「豆豆」的女星交往，而邱淑貞的別名正是「豆豆」。

圖片來源：大會提供