中年好聲音丨龍婷再與熟男行高級商場被捕獲 與人夫丘亞葵Hello Kiss斷正潛水
《中年好聲音》龍婷早前被斷正與資深演唱會製作人丘亞葵「Hello Kiss」，而引發連串風波，成為焦點嘅龍婷今日再成為網民話題，事關佢被捕獲同一名熟男行商場，異性緣超旺！
今日有人喺社交平台中《中年好聲音》群組Post出兩張相片，相中見到龍婷同一名熟男出現喺國際金融中心商場 ifc mall四季酒店附近，二人並肩而行，不過就冇親密接觸亦冇交談，面上都冇乜表情，未知2人關係。雖然睇龍婷嘅髮型都係染咗金，似係近期圖片，不過相中二人都身穿全黑色包到冚，不過佢哋身旁嘅路人就着短袖，到底係冬天定夏天都係一個謎。熟男戴上有色眼鏡，雖則身份未明，不過睇得出龍婷都係偏向喜歡同大年紀嘅男士交朋友。
龍婷早前被影到與資深演唱會製作人丘亞葵於車廂內錫錫，女方更輕拍丘亞葵美臀，關係匪淺。不過事後人夫丘亞葵回應就指女方只係同佢「Hello Kiss」，二人清清白白，而佢亦同太太解釋，太太亦都信任佢，而摸Pat都只係角度問題。龍婷方面就等TVB幫佢官方回應，稱錫錫係角度問題「誤解」，同丘亞葵「Hello Kiss」口供有出入，但佢亦表示同男方係「純友誼」。
事件引發連串風波，後來龍婷更被自稱係前鄰居嘅網民爆已婚生子，龍婷嘅回應亦「不置可否」，表示公司已經回應後潛水。
圖片來源：Facebook
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
