MIRROR人氣成員Ian（陳卓賢）一連七日的《IAN CHAN ”TEARS“ IN MY SIGHT SOLO CONCERT 2024 》個人演唱會進行得如火如荼，連日以來吸引多位圈中藝人入場支持。昨晚（24日），TVB視后佘詩曼（阿佘）同樣都是座上客之一，阿佘在IG社交平台上分享睇演唱會的片段，令不少網民驚訝原來阿佘都係Hellosss（Ian的粉絲名稱）！
Ian陳卓賢一連七場的個人演唱會吸引了不少圈中藝人捧場，昨晚（24日）第六場就驚喜發現TVB視后佘詩曼（阿佘）現身坐頭排，化身小粉絲支持Ian。佘詩曼之後在IG社交平台上分享睇演唱會的影片，見到阿佘坐在台前第一排，口中跟著念an大熱歌曲《留一天與你喘息》的歌詞，一副聽得如痴如醉的模樣，似乎相當享受Ian的慢歌舞台。阿佘同時更發佈限時動態，寫上「視聽享受」，大讚Ian的演唱會。
不少網民見到佘詩曼緊貼香港樂壇，有留意到MIRROR成員Ian的音樂時，就紛紛表示相當驚訝，估唔到佘詩曼原來都係鏡粉！其實佘詩曼一向都有留意新晉當紅歌手，去年曾經現身支持MC張天賦的演唱會，今次就捧場支持Ian的個人演唱會，似乎靚聲男歌手都可以輕易俘虜到超級視后佘詩曼！
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
