陳凱琳（Grace）同鄭嘉穎2018年組織家庭，婚後生咗3位可愛公子，生活美滿。Grace一向都好投入家庭生活，全因為原生家庭充滿愛！日前佢就報答爸爸嘅付出，疑似做孝順女豪買靚車畀爸爸。
Grace post出一條同爸爸去睇車嘅影片，自己組織咗家庭都仲可以同爸爸咁close，真係非常溫馨，Grace留言：「有個咁嘅Daddy仲好過贏六合彩呀！Hope you like my little surprise Baba Chan! （希望你鍾意我畀你嘅小驚喜陳爸爸！）」片中Grace直認自己係Daddy's girl（爸寶），佢列出三項爸爸會做嘅窩心舉動，力證佢父愛如山。第一，爸爸儲起晒佢出道至今嘅雜誌，當正愛女係偶像；第二，會陪Grace跳一啲好傻嘅舞，為咗阿女開心，直頭唔顧形象呀；第三，到依家都仲會車出車入，當正阿女係寶！
Grace都好識做，知道爸爸一向都係愛車之人，所以就帶佢去車展睇名車！Grace爸睇中咗一架橙色林寶堅尼辣跑，不過Grace就睇中一架超sharp嘅桃紅色波子，終於二人猜屯、剪、揼決定試邊架車。Grace最終雖然猜輸，但爸爸都係揀咗試阿女嘅心水車，認真係廿四孝。
Grace爸一上車就人車合一，Grace都坐得好梳肝，所以佢就喺片中表示：「Daddy不如你直接揸返屋企，張單交畀我啦。」唔通藝人買車真係好似買棵菜咁簡單？唔少網民都話好羨慕佢哋父女關係咁好，父惹女孝，留言：「交換阿爸得唔得？」、「人生大贏家。」、「超級幸福！」、「希望我個女大個都好似你咁！」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
