中年好聲音丨曹敏寶斷約TVB後首次受訪爆喊 與龍婷待遇不一仍稱「中1」係家人
《中年好聲音》評判之一的肥媽Maria Cordero早前直播期間，直接狠批《中1》學員唔夠團結，各自為政，反而令《中2》生冷手執熱煎堆，有不同的演員機會。《中1》的曹敏寶和龍婷先後爆出桃色新聞，不過前者不獲TVB續約，後者反而公司力撐，代其發聲明澄清之餘，更只是暫且雪藏未見有進一步懲罰。曹敏寶與TVB合約完結後，昨日以自由身首次出席公開活動並接受訪問，提到跟老公的關係一度激動落淚。
曹敏寶今年年初被爆出疑跟《中1》參賽者梁浩銓有婚外情，由於兩人均有家室，導致形象插水，工作量大減，據本網早前爆料，曹敏寶及梁浩銓已經被TVB斷約，加上曹敏寶要求「中1」好友盲撐她，最終令她跟「中1」的老友周吉佩、顏志恒、支嚳儀、羅啟豪等全部反目。昨日，曹敏寶斷約後首次出席公開活動並接受傳媒訪問，提到跟龍婷一樣與人夫傳緋聞，但公司卻有不同的處理手法，她表示：「不方便評論，公司有唔同方法處理，大家唔使擔心，我同公司有溝通同交流。（同公司關係良好？）我性格唔會同人鬧交，鍾意和平，我覺得關係係好嘅。」雖然據悉曹敏寶已經「斷約」，但受訪時仍然以「公司」來形容TVB。
對於有傳「中1」有人向傳媒連環爆料，引發兩單桃色新聞，她表示：「我呢半年都沉澱自己同陪家人，好多嘢都唔太清楚，我唔願意相信呢啲新聞，喺我心中大家都係一家人。（同『中1』有聯絡？）佢哋都解釋過好忙，我自己對友情嘅定義有自己睇法，人哋有人哋諗法，我唔能夠代表其他人。人在江湖，各有選擇，佢哋講咩我就信，佢哋喺我心中當然係朋友。」
提到現時跟老公的關係，曹敏寶表示老公的心比她強大，但仍然會擔心她，一提起老公，曹敏寶當場爆喊拭淚，更一度中止訪問，要幾分鐘時間冷靜後先可以繼續受訪，曹敏寶解釋遇上老公是最幸福的事，大讚老公冷靜和成熟，面對事情時的情緒比她更穩定。「我都有檢討過自己嘅行為，可能我嘅行為模式唔係大眾能接受，每個人把尺都唔同，我而家學識要連人哋把尺都要思考埋。」事後，曹敏寶在IG撰文說：「其實收到好多好友關心，又話我好瘦，又好擔心我嘅情緒狀態，其實你哋唔使擔心呀，第一，我最鍾意就係食，我唔會食唔到嘢㗎！可能我嘅代言產品消脂控真係好work，同埋我真係冇大家想像中瘦，最多我只係比以前瘦，所以呢個對比令你哋覺得我好瘦！其實我係屬於正常身形！第二、尋日只係咁啱中午嘅時候，同林生講緊一啲感性嘅話題，然後真係俾（被）佢嘅支持開咗我條淚腺出嚟，係感動嘅眼淚嚟嘅！多謝大家一齊守護住、愛護住真實的我，＃每天力求進步」
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
