日前係最美港姐郭羨妮50歲生日，同囡囡以及老公朱少杰去到馬爾代夫慶祝，郭羨妮更加罕有曬全家福，非常溫馨。
郭羨妮POST出片段，分享同囡囡以及內地武指老公朱少杰全家福，三人頭貼頭，郭羨妮靚樣冇咩點變，但老公就有少少發福。KEEP住都係咁弗嘅郭羨妮雖然冇着泳裝，但都有大曬白滑美腿，睇嚟好幸福！而另一個焦點就係佢囡囡，盡得佢港姐靚靚基因，有啲角度仲似同樣係公認靚女嘅張栢芝添！
郭羨妮日前用英文為自已寫下「生日祝福」：「Happy birthday to me. I’ve never thought about how it would be like being a 50 years old. Now I know. The world is still pretty. I might not be as pretty as when I was younger, but that’s ok. It’s still me.從來都冇想像自己50歲會是甚麼樣子。現在我知道了，世界還是很美好的，我可能不像年輕時那麼漂亮，但沒關係，這仍然是我。」真正係優雅地成長。
郭羨妮係1999年港姐雙料冠軍，入行25年，郭羨妮在情路上幾番跌倒，先後與馬德鐘、陳坤、溫兆倫同陶大宇等男星傳出緋聞。2011年郭羨妮與內地武指朱少杰結婚，一直被指女尊男卑，一度被傳郭媽媽反對婚事，不過佢曾受訪表示媽媽都好鍾意朱少杰，亦好開心佢有一段正常關係。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
