東張西望丨容羨媛疑移民離巢告別節目 不捨爆喊獲曾志偉：唔開心就返嚟

日前，TVB主席許濤及高層曾志偉特設慶功宴，答謝《東張西望》台前幕後的努力，許濤致辭期間，有台下工作人員大叫「加人工」，許濤就笑笑口耍走，不過都為在場的員工準備利是，等大家都可以開開心心，袋袋平安。活動上，容羨媛正式向同事們交代自己將會離開香港生活的消息，情緒激動爆喊，搞到台下的陳庭欣都一齊做喊包，她特別答謝當年揀選她入節目的嘉玲姐，她說：「《東張西望》每一個崗位我都做過，好多謝每位撰稿員同助導，一路都好照顧我，其實講錯咗啲嘢，佢哋都幫我剪走晒！」身旁的曾志偉搞笑說：「放心，我擺台慶（播）！」

+9

+8

點擊圖片放大

隨後，容羨媛繼續採訪工作，曾志偉提到她的離開說：「我知你下個禮拜就離開我哋啦，希望你去到嗰度，你會開心啦！有咩唔開心就返嚟啦！大家畀個祝福佢啦！」容羨媛透露下星期二才是她的「Last Day」，而身旁的主持黃耀英感言說：「借呢個機會同容容講聲，好拍檔，多謝你，咁多幾年來我好享受同你一齊直播。」

容羨媛先後畢業於香港理工大學建築經濟及管理學學士，及香港浸會大學傳理系碩士，大學期間有參與DJ的工作，後來加入香港電台做DJ，2008年轉職加入TVB成為無綫娛樂新聞台主持，直至2012年加入《東張西望》成為主持。至今已經12年時間，大部分時間獲安排採訪娛樂活動，最大的特色是特別鍾意尖叫，及率領演員們嗌收睇劇集的口號。

+17

+16

點擊圖片放大