現年39歲的香港男子劍擊運動員張小倫今年4月宣布退役，有「大師兄」之稱的他近日為HOY TV擔任2024巴黎奧運劍擊比賽做直播評述，而他的師弟蔡俊彥、吳諾弘、李逸朗、師妹連翊希等運動員都分別為ViuTV和TVB講解劍擊項目，各自努力為觀眾提供劍擊的相關資訊，不過近日他見到部分網民對運動員做評述的表現反應兩極，張小倫忍不住在THREADS發聲，怒轟網民：「積下啲口福。」
張小倫4月時宣布退役，結束長達20年的全職運動員生涯。早於三年前的東京奧運，由於當時是疫情，張小倫跟幾位劍擊隊隊友被困奧運選手村，結果不斷開直播同香港觀眾傾偈，除咗分享打劍同睇劍擊比賽的細節外，他更會邀請不同的明星隊友一齊傾，而且話題無所不談，由感情事到鬼故，張小倫都發揮「大師兄」的求問精神，為觀眾帶來「福利」。退役後，口才了得的小倫曾跟古巨基老婆Lorraine（陳英雪）的網台簽約成為旗下藝人，由運動員轉型成為主持，參與不少網上節目拍攝。最近張小倫獲安排為HOY TV擔任2024巴黎奧運劍擊比賽的直播評述。張小倫眼見部分港隊運動員擔任不同電視台的旁述慘被網民諷刺，令他大感不滿，於THREADS激動爆粗表示：「做香港運動員就係咁，一有成績就係到呱呱嘈，冇成績就係到（喺度）X，咁細個地方岀到奧運冠軍級別運動員，你估容易丫！要犧牲幾多代人嘅努力同付出，犧牲幾多位運動付出嘅年輕人，你又識得幾多個？？？唔該大家評論運動員去唔同電影（視）台做旁述嘅時候，積吓啲口福，個個捱更抵夜去講啲專業運動知識俾你哋聽，雖然我哋唔係專業，但係我哋係流住運動員嘅血，係一世㗎，希望分享多啲運動員嘅經歷，有得去參加與奧運嘅運動員我哋當然要幫佢哋打氣，冇得去嘅一樣喺唔同崗位默默努力，不論輸贏係咪都要尊重吓啲運動員？佢哋用人生最青春嘅時光，用努力意志去克服唔同嘅比賽同傷患，瘁３望可以有一日踏上頒獎台，證明自己。其實冇得去參加奧運嘅運動員都好大勇氣行出來去做運動旁述，仲要被大家批評，我性格就係有嗰句講嗰句，唔鍾意我哋嘅好似睇電視一樣，撳個掣轉台或者熄機。講完今晚繼續OT DXXM #香港運動員無論你哋輸贏永遠喺我心中都係世一」
張小倫今日為奧運賽事再開工，他接受訪問回應事件，小倫表示今次發表言論， 是因為想為香港所有運動員發聲：「其實我覺得所有運動嘅運動員都有付出好大嘅努力，無論係可以參加比賽，又或者喺各大電視或者公開場合做評述嘅師弟妹門，都好畀心機做好份內事，但係我作為大師兄，見到佢哋不斷喺網上被受評擊，實在睇唔過眼，希望為佢哋發聲! 面對網民嘅評擊，我有強大嘅心臟，但對於平時只做好運動員訓練本分，師弟妹們佢哋，真係承受唔到呢啲外界嘅惡意評論，所以希望為佢哋表達心聲! 」
問到小倫有沒有曾經因為網上的言論而不開心的時候， 他就坦然沒有任何難受的感覺：「除咗因為我有強大嘅心臟之外，我覺得有人評論劍擊完全係一件好事! 有人評論即係人關注，先至可以將呢一樣運動話畀香港七百萬人知， 有呢項運動嘅存在! 所以我完全唔介意有人評論我或者我嘅表現! 」既然已經退役，想推廣劍擊這項運動，若果有以劍擊為題材嘅電影，邀請小倫參與的話，小倫又會唔會接受呢？小倫即表示：「梗係接受啦! 只要可以將劍擊呢項運動畀更多人知道及認識，而電影亦都係一個宣傳渠道，如果有呢方面嘅邀請嘅話，我一定會參與! 」作為HOYTV嘅奧運評述，小倫就覺得比做運動員更難：「做劍擊運動員，我只需要做好本份，每日操練就可以，但係做電視台嘅評述，我事前要做好多準備功夫，做好心理質素，難度高好多! 」
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
