「香港劍神」張家朗在香港時間7月30日為香港體壇締造歷史一天，成為史上第三個衛冕奧運男子花劍個人賽的運動員，也是68年來的第一人，引爆全城熱話！無綫攝製隊第一時間獨家專訪張家朗衛冕奪金，張家朗受訪發表奪金宣言時，就以11字寄語港人「就算唔如意，都要堅持到底」
張家朗勝出奪金專訪
張家朗在男子花劍決賽勝出奪金不久，無綫巴黎特派專員何振然及陳銘泰趁着還未舉行頒獎禮前，第一時間邀請張家朗進行獨家專訪。何振然問到張家朗連續兩屆創造歷史的感受，尤其最後一分別具爭議性時，張家朗說：「當時都覺得可惜，每次都覺得係自己，教練都係後面提醒我，唔好理嗰劍，係你又好，唔係你都好，Focus喺下一劍到，所以我就照教練所講咁做。」
張家朗寄語港人捱過難關
TVB採訪專員陳銘泰大讚張家朗在最後要決一劍三次時表現強大，並問張家朗有甚麼秘訣寄語港人捱過艱關時刻，張家朗說：「我想話大家需要唔好放棄，要堅持，就算遇到好多挫折都好，記住自己為乜開始，就算自己唔如意嘅事，都要堅持到底。」
TVB採訪表現獲讚賞
同為運動員的陳銘泰相當激動，全程哽咽着訪問張家朗，問到張家朗兩次創造歷史感受有何分別時，張家朗說：「上一次係第一次唔敢相信啦，今次當然都唔敢相信，但今次我教練係法國人，我可以喺度攞到冠軍，對我意義非常好，教練照顧我都幾辛苦，我自問都係幾煩嘅運動員，佢都控制好情緒去照顧我哋，佢練習同心理上都有輔導我。」
張家朗談江旻憓奪金
何振然再提及港隊現時有兩金一銅佳績，問張家朗之前見到江旻憓奪金是否強心針時，張家朗說：「好開心，佢一直都好努力，戥佢好開心，見到（港隊）劍擊成績一直有進步，對我嚟講都係強心針，我都要盡自己全部能力打到每一劍。」
張家朗將金牌送給爸爸
何振然訪問中又提及張家朗全家現身巴黎支持家朗，問到張家朗有甚麼說話對家人說，張家朗笑言要將金牌送給到場支持他的爸爸：「送個生日禮物畀佢（爸爸），因為佢都係前幾日生日，起碼喺佢哋面前冇丟架！」並感激全港觀眾捱夜支持：「好多謝大家捱夜支持，聽日返工都仲睇我，好多謝大家，希望我冇辜負每一個人嘅期望。」
張家朗決賽歷程
張家朗於今日凌晨4點10分出戰男子花劍決賽，對手是意大利選手Filippo Macchi。張家朗於決賽開局頭五秒已成功率先連搶兩分，之後二人陷入激戰，更數度於4分、5分及10分時出現平手情況，最終首局家朗以11：10暫時領先。第二局開始後，二人於11分及12分再度打成平手，比賽節奏相當明快，之後意大利選手連奪2分，令家朗陷入逆境戰。最終，家朗穩定住情緒成功連追兩分於14分再度平手，最後家朗「決三劍」以15：14勝出，成功衛冕奧運男子花劍個人賽金牌！
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【送禮】送友邦嘉年華門票連代幣400套！↓
↓玩攤位遊戲贏公仔＋體驗機動遊戲！↓
