屋邨鼠患？近日寶林邨街坊發文慘呻，驚見老鼠闖入家中廚房被嚇破膽，與工人姐姐協力下自行生擒老鼠，事後更攜同老鼠至樓下向保安反映情況，著事主致電辦事處惟不得要領。事主表示，已多次就屋邨鼠患問題向管理處求助，更苦訴近兩星期內已經3次目擊老鼠闖入屋內，直言「好恐怖」，不少街坊都表示「寶林真係好多老鼠」，有網民深感同情並建議5招滅鼠方法！
寶林邨老鼠狂闖屋內嚇壞住客 事主：兩星期3隻老鼠入屋
近日（26日）有寶林邨市民透過地方群組發文慘呻，在家中驚見一隻老鼠闖入廚房，頓時嚇得花容失色，並拍下一段直擊影片。從片中可見，該老鼠跳上洗手盤旁邊位置，疑似站在一塊老鼠板上，靜止般直視事主的鏡頭方向，但表情氣勢相當，及後稍稍郁動，事主於片中被嚇至不斷大叫，又坦言「好恐怖」、「個仔得2歲幾喺屋企，真係好驚佢咬到」。
▼寶林邨老鼠闖屋內▼
住戶屋內恐怖生擒老鼠 稱致電辦事處不果
事主表示，自己於數個禮拜前已經曾見老鼠入屋的情況，指「見住喺窗個渠道爬入嚟......咬爛咗屋企一包米，同埋露台啲鞋有老鼠是屎」，惟家母屢次質疑「看錯」，今次終於斷正捕捉到老鼠的囂張身影，雖然現場恐怖感十足，但最終仍與工人姐姐協力下合力生擒老鼠，並將情況與保安員反映，「同保安講又話唔理，叫我打電話上辦事處，個電話又冇人聽，辦公時間係長響冇人聽」，直言「交管理費費同差餉都唔知係做咩囉，都冇得投訴」。
事主兩星期驚見3隻老鼠入屋 保安：屋邨半年滅鼠一次
事主續指，此前亦曾多次就屋邨鼠患問題向保安管理處求助，「因為我嗰日有喺條街度見到老鼠入過水渠，我同佢（保安）講我呢兩個禮拜都見到3隻老鼠爬入我家，佢話冇辦法」，同時保安又指得悉周圍好多老鼠，惟相關部門半年才會來滅鼠一次，暫時不會再來多次，「（佢）叫我唔好同佢講」，無奈稱「我都唔知可以同邊個講」？
居民有同感：寶林真係好多老鼠 見過係走廊入咗隔籬屋
不少人對事主情況深表同情，同時引來部分街坊關注，有人表示「寶林真係好多老鼠，細個係見商場地下多，近年係樓上都成日見到有，試過係走廊見到，之後屋企人又見過係走廊入咗隔籬屋」、「我住13樓都有，搵到屋企人既朋友幫手捉，打去管理處，佢同我講話30幾樓都發現有」，有人斥「 鼠患問題都無解決過！ 一個推一個」！
據了解，寶林邨為香港房屋委員會旗下屋邨之一，是「租者置其屋計劃」的發展項目，由業主立案法團管理屋邨事務，現時寶林邨的物業管理公司為佳定管理公司（由2006年起）。記者已向相關管理公司查詢，目前尚待回覆。
▼居民分享屋內常見老鼠蹤影▼
網民提議5招滅鼠處理方法
不少網民對有關情況深感同情，同時建議5招滅鼠及處理方法。
▼5招滅鼠及處理方法▼
如發現住所內有鼠患出現應如何處理？
根據食環署指示，如發現鼠患，應通知物業管理公司以尋求協助或聘請滅蟲公司滅鼠；避免自行捕捉老鼠。 如有查詢，市民可致電1823或食物環境衞生署查詢熱線2868 0000或食物環境衞生署分區辦事處（辦公時間內）。
資料及圖片來源：Facebook@將軍澳主場、食環署
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
