香港運動員張家朗，在今年的巴黎奧運會上再次展現實力，在男子花劍個人賽過關斬將，決賽打低意大利籍選手馬基，成為68年在此項目衛冕的第一人。張家朗再度被受矚目，有關他的事都會被留意到。就連李璨琛（Sam）的寶貝女李元元（Lucy）一個伸脷動作都令人聯想到張家朗。
張家朗再戰奧運，每一次出場的時候，香港人都會密切關注他。就連比賽時，要穿上比賽服裝，將自己包到實，都有其他嘢被關注。RubberBand鼓手黎萬宏（泥鯭）老婆黃心穎，睇比賽時都有留意到張家朗手上的飾物。
而比賽期間，張家朗不時都會出現好豐富的表情，其中一個樣，就是他興奮時會伸脷的搞笑樣子，這個樣更成為他的招牌樣子，從進入8強對戰東道主法國劍手拿霍特，至進入4強，對戰日本新星飯村一輝，不難發現張家朗似乎習慣獲勝利後，有伸脷的招牌動作。有網民笑言這不是「伸脷」，這叫「勝脷」，有網民則笑稱，可順便讓中醫師「舌診」。
當被問到有這個動作的原因，張家朗笑言是自然反應，他亦覺得有可能童年時候喜歡籃球之神米高佐敦，相信與此有關。但無論如何，這個伸脷動作，已成為張家朗的招。
李璨琛（Sam）的寶貝女李元元（Lucy）成日都表情多多，特別惹人可愛，媽媽梁志瑩（Sophia）最鍾意將囡囡的樣記錄低。近日Lucy擺出得意樣，她把整塊面貼上玻璃上，把五官都壓得扁扁，而且同樣伸脷，Sophia笑言分享這個樣子嚇一嚇大家，更稱影完相後，Lucy又掛住去玩。
網民見到Lucy的搞笑樣，「嘩！嚇到我心都跳埋出嚟」、「嘩，好彩未到農曆七月」、「一點開IG嚇親咗」、「你嚇我唔到嘅」、「嚇死人咩哈哈哈哈」、「Q太郎」、「好似水怪」，不過就有一位網民，相信近日太沉迷奧運賽事，將Lucy伸脷表情，聯想到張家朗，「條脷比家朗哥哥健康」、「無濕熱」。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
