巴黎奧運賽事密密麻麻，尤其今年政府出資購入播放權，容許HOYTV、TVB、VIUTV及RTHK播放賽事，幾家電視台都各出其謀，播放賽事狂搶收視。TVB有「鎮台之寶」鍾志光連踩近20小時狂做直播引起網民關注後，VIUTV強尼主持時的倦容亦受到關注，不少網友睇賽事之餘，不忘Cap低強的倦容，大感心痛。
巴黎奧運在法國舉行，由於時差的關係，令熱捧奧運的香港市民都難免要捱夜觀賞賽事，特別是港隊大部分重點賽事都在凌晨進行，無論主持和市民都一齊捱眼瞓撐港隊。VIUTV派出「鎮台之寶」強尼主持夜更直播節目，早更就交畀同樣口才了得的陳安立，強尼晚晚拍住丹尼爾與一眾專家及運動員分析賽事，絕對不容易。有網友於Threads洗版式瘋狂討論，指強尼晚晚捱夜開始展現倦容，令人擔心。有網友留言說：「從來冇見過強尼個樣咁攰，一聽到佢把聲日日講，聽都覺得辛苦，決賽日日Chur到四五點，乜嘢賽事都要噏吓頭，講兩嘴，頂硬上，真係慘，社蓄精神！」其他網友亦瘋狂截圖，見到強尼雙眼的確有少少「跌Watt」難掩倦意，大家更紛紛留言起哄，要成立「休息關注組」，希望強尼可以多多爭取時間休息，保重身體。
網友的熱情關心，連忙於主持的強尼都睇到，特別轉發網友的留言，並親自「報平安」，強尼說：「其實我只係唔開Chok mode咋，唔攰㗎，大把貨！啲留言好很有愛！」其實除了主持奧運節目之外，強尼每朝都堅持繼續做Gym，近日有一日無做Gym，就是因為要客串拍戲，果然是鐵人一名。不過身體好先可以做世界第一，ViuTV一哥強尼都要好好保重呀！
」，
App內睇文同睇片可隨時捕捉U Fun彩蛋，
換領現金券及禮品！
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
↓【限時搶⚡】位元堂美肌養顏糖水套裝 ↓
↓ 養血安神並潤膚美肌 / 從內而外煥發光彩！↓
