日本麥當勞人氣早餐楓糖班戟漢堡系列（McGriddles）登陸香港，優先開售數日就大獲港人支持。近日，麥當勞宣佈將App用戶優先試食的第一階段提前結束，消息一出，就有港人急不及待「囤貨」。有港人在社交平台發帖，指麥當勞宣佈「煞停」售賣時，就趕去買了數十個並儲存好放入冰箱，該儲存方法竟讓她覺得意外好食？網民就笑指做法瘋狂：「玩到急凍叮番熱，真係好癲」。
港女一口氣買十幾個McGriddles「囤貨」
風靡全港的McGriddles尚未正式開售就深得港人心，優先試食的首日更是各區都有市民需要排隊等候1-2小時，盡顯香港人的「排隊精神」。提前結束售賣的消息一出，更有港人「囤貨」將班戟漢堡買回家中急凍！近日，一位港女在Facebook發帖分享，指她在麥當勞突然宣佈暫時停售當刻，立即趕到尚有存貨的西營盤分店，一口氣買了十幾個。相中可見，漢堡包堆滿了一整個餐盤，全部都是楓糖班戟漢堡系列。
港女急凍儲存10個McGriddles一方法竟意外好食？
港女指，回家後就將漢堡包一個個包裝好放進冰箱。相中可見，港女將漢堡包一個個單獨放入保鮮袋，再儲存放在冰箱。
▼即睇一方法意外好食▼
帖子引來大量網民留言討論，笑指做法瘋狂，「玩到急凍叮番熱，真係好癲」、「有冇咁鍾意食呀」、「雪咗幾日，唔係嘛」、「大癲，佩服你」、「5/8都有啦，唔使食隔夜野」。
▼網民留言▼
香港麥當勞楓糖班戟漢堡系列（McGriddles）將於8月5日正式登場
香港麥當勞的楓糖班戟漢堡系列（McGriddles）將於8月5日正式登場，不過只限早餐時段供應。如果中午或晚上都想食McGriddles，則可以使用外賣平台foodpanda落單，優惠期內全日供應。8月5日至9月8日期間，食客只可以外送平台foodpanda落單買麥當勞McGriddles。凡於foodpanda購買楓糖班戟漢堡套餐系列，配脆薯餅及飲品之外，還有多一份自選配菜，可選脆薯餅、藍莓高鈣低脂乳酪、粒粒粟米杯。
延伸閱讀：4大本地餅店推平價熱香餅豬柳蛋
荃灣$15熱香餅漢堡風靡全城，掀起一輪人龍排隊熱潮。不少連鎖餅店、麵包店都相繼仿傚加入推出同款產品，計及荃灣店合共4大麵包店，包括連鎖店美心西餅都推出熱香餅漢堡，涵蓋港九新界地區，住得較偏遠的朋友仔，想食未必去到荃灣人氣店購買，亦可以考慮前往其他店舖！即看熱香餅漢堡地點+價錢詳情！
資料來源：Facebook@香港茶餐廳及美食關注組
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
