巴黎奧運|膊頭第8次甩骹、膝頭劇腫抽出幾樽水 謝影雪長文吐心聲 捱過半年3次大傷病上場

文: 程家健
2024.08.02

香港羽毛球混雙組合「鄧謝配」最後一屆拍檔出戰奧運,惜八強止步,謝影雪和鄧俊文賽後哭成淚人,負傷參賽的謝影雪今日(2日)撰千字長文總結今次巴奧之旅,憶述近半年最少三歷大病傷,先是1月時膝頭劇烈腫痛,抽出幾樽水,至6月兩膝突劇痛,確診類風濕關節炎,至復操後再遇膊頭第8次甩骹,她形容當時已崩潰,但為備戰奧運隔日已再落場練波,儘管今屆成績比不上上屆,她對於能第四次站上奧運舞台已很感恩,亦對今屆發揮更滿意,「好多謝我自己堅持咗咁耐,我覺得呢啲事比以前既謝影雪遇到,可能已經一早放棄咗,我都要好多謝我嘅身體,多謝你18年來比我用到五勞七傷!」

 

謝影雪長文憶賽前3歷大傷病

謝影雪今日(2日)在Instagram發長文總結今次巴黎奧運之旅:

「我嘅巴黎奧運完成喇!終於等到完嘅一刻,呢兩日心入面都有好多感受,但完成呢一刻,我好想將第一個分享留比我自己,我想多謝我自己。

可能我平時都不時會多謝身邊嘅團隊,但原來成日漏了多謝自己。今次好感恩第四次企上奧運舞台,由爭取奧運積分到真係完成嘅過程,已經唔識可以點形容。以前後生打波,咩傷都無嘅時候,覺得所有事都好易,條路好簡單、好易行;之後到今次奧運爭分前,我同俊文嘅狀態已經差到好似唔識打波一樣,當時幾乎無信心可以去到奧運,之後爭分初段雖然成績一直低沉,但後半年好彩突然回復狀態,更加可以打到年終賽。

 

不過,我永遠都估計唔到傷患幾時會嚟搵我。今年1月開季時喺印度拉親之後,好返之後就想打支針令膝頭無咁痛,但打完之後突然出現藥物敏感,有日瞓醒兩個膝頭腫痛到瞓覺時無法轉身,連去洗手間都要扶住,令好簡單嘅日常事都無法做到。年初二當日行去醫院搵容醫生條路時好似行咗好耐好耐,最後要坐上輪椅,兩日喺兩個膝頭抽出幾樽水。好返之後以為應該可以好順利行落去,但到6月有一日起身,梳頭時發現兩個手肘痛到舉唔高,初時以為自己受傷,但第2日出發亞洲三站賽事,所以只可以食住止痛藥出發。喺呢三站期間,上網不停搵相關資料,因為每次過幾天,就會有多一個關節出現腫痛,到最後番到香港時,手指痛到握唔到球拍,練波都練唔到,好幾次練到一半瞓喺球場度忍唔住喊,做GYM時因為伸唔直雙手,所以要調較到唔痛嘅角度去做,然後一邊做一邊喊。

最後經過8次MRI,同埋無數次超聲波及抽血,確診類風濕關節炎。上網搵資料時自己有一刻諗過,確診一刻雖未有晴天霹靂,但心入面都沉咗一下,但當時因為距離奧運只有唔夠一個月,我只係好想快啲有藥食,快啲將痛㩒住,可以令我正常練波。食藥後終於將痛減少,可以練波時真係覺得好開心,但之後好似壞嘅事會接二連三出現,一日後膊頭第8次甩骹,嗰一刻好崩潰,好好彩容醫生雖然忙梗都即刻飛去醫院。好記得麻醉藥後,我問容醫生我仲去唔去到奧運,之後佢好有信心同我講無問題!令我本身由好崩潰變得安心落嚟。然後再超MRI,好彩情況唔算好差,第2日已經可以帶住手托去做物理治療、恢復及力量。記得隔2日授旗禮我都唔敢去,唔想人人準備十足迎接奧運時,我就托住手去影響大家士氣。仍然覺得好好彩,幾日後已經開始落球場,做簡單訓練,但心入面其實仲好驚同好有陰影,以前甩骹會休息2星期先練,練到好有信心先落場,今次只係2日已經落場,可能係奧運令我勇氣大咗,每日都鼓起勇氣去試唔同動作,因為望住俊文自己練,我都好想快啲跟上佢嘅進度。身邊有人笑話:呢啲故事令你運動生涯更精彩,但我真係唔需要好精彩,因為咁多年咁多高高低低,我只係想今次奧運打出自己最好嘅狀態,有時會唔明白,點解好似好多事去阻止我去巴黎一樣。

對於今次巴黎奧運,我心入面好矛盾,等左好耐最後一屆奧運,一方面我好想去享受,一方面又好想奧運快啲完,因為好期待整個人可以放鬆落黎嘅一刻。呢三年我覺得整個人已經谷到我自己嘅極限,但呢一刻我係好開心我可以做到自己目標,可能大家都講想我哋拎牌時,我自己就好想去享受呢個舞台,今次我覺得自己真係做到喇!比起上一次,我更發揮到自己嘅能力,可以打番出一個似謝影雪嘅比賽比大家睇,雖然今屆成績無上屆咁好,但對於發揮,我係今屆比較滿意。

最後,好多謝我自己堅持咗咁耐,我覺得呢啲事比以前既謝影雪遇到,可能已經一早放棄咗,但經過今次,我覺得我真正學識咗及做到自己嘅座右銘。我都要好多謝我嘅身體,多謝你18年來比我用到五勞七傷,抱歉無將你哋照顧好,我以後會更愛錫自己了。」

一個月前仍無力唧牙膏、梳頭

昨日(1日)謝影雪在賽後受訪時,也曾透露自己賽前1個月傷勢嚴重,她稱:「一個月之前,我唧牙膏都唧唔到,梳頭都梳唔到,到我今日可以完成奧運,好多謝所有後面嘅人,因為在兩、三星期前我還在醫院急症室,喊著問醫生『點算,我去唔去到(參加奧運)』。」她形容當時已認為很大機會無法參與,但醫生很好,不斷安慰她「無問題,一定去到」,非常感恩最終能夠參賽,「上一屆覺得自己發揮不足,今次真的好享受打每一場,已盡所有努力,對得住自己。」

 

Array ( [0] => stdClass Object ( [title] => 黎明「J女郎」淡出樂壇轉行做OO!8字回應代表作無預警被下架?網友感可惜:紅歌唔紅人 [articleId] => 20063926 [permalink] => https://hk.ulifestyle.com.hk/topic/detail/20063926/%E9%BB%8E%E6%98%8E-j%E5%A5%B3%E9%83%8E-%E6%B7%A1%E5%87%BA%E6%A8%82%E5%A3%87%E8%BD%89%E8%A1%8C%E5%81%9Aoo-%E5%AD%97%E5%9B%9E%E6%87%89%E4%BB%A3%E8%A1%A8%E4%BD%9C%E7%84%A1%E9%A0%90%E8%AD%A6%E8%A2%AB%E4%B8%8B%E6%9E%B6-%E7%B6%B2%E5%8F%8B%E6%84%9F%E5%8F%AF%E6%83%9C-%E7%B4%85%E6%AD%8C%E5%94%94%E7%B4%85%E4%BA%BA ) [1] => stdClass Object ( [title] => 香港曾有「綠雨」暴雨警告信號?30年從未使用原因曝光天文台解釋分級制 [articleId] => 20063781 [permalink] => https://hk.ulifestyle.com.hk/topic/detail/20063781/%E9%A6%99%E6%B8%AF%E6%9B%BE%E6%9C%89-%E7%B6%A0%E9%9B%A8-%E6%9A%B4%E9%9B%A8%E8%AD%A6%E5%91%8A%E4%BF%A1%E8%99%9F-%E5%A4%A9%E6%96%87%E5%8F%B0%E8%A7%A3%E9%87%8B%E6%9A%B4%E9%9B%A8%E5%88%86%E7%B4%9A%E5%88%B6 ) [2] => stdClass Object ( [title] => 香港便宜內地貴的9樣東西!呢樣平大陸5倍獲小紅書力推:超高性價比 [articleId] => 20049810 [permalink] => https://hk.ulifestyle.com.hk/topic/detail/20049810/%E9%A6%99%E6%B8%AF%E6%AF%94%E5%85%A7%E5%9C%B0%E6%9B%B4%E4%BE%BF%E5%AE%9C-%E5%B0%8F%E7%B4%85%E6%9B%B8%E6%BF%80%E6%8E%A89%E5%A4%A7%E6%8A%B5%E8%B2%B7%E4%B9%8B%E9%81%B8-%E7%B6%B2%E6%B0%91-%E8%B6%85%E9%AB%98%E6%80%A7%E5%83%B9%E6%AF%94 ) [3] => stdClass Object ( [title] => 港爸獲派大埔舊公屋睇完即要!DIY髹油平裝新居?呢個價錢搞掂地板 至少慳成$20萬 [articleId] => 20063237 [permalink] => https://hk.ulifestyle.com.hk/topic/detail/20063237/%E6%B8%AF%E7%88%B8%E7%8D%B2%E6%B4%BE%E5%A4%A7%E5%9F%94%E8%88%8A%E5%85%AC%E5%B1%8B%E7%9D%87%E5%AE%8C%E5%8D%B3%E8%A6%81-diy%E9%AB%B9%E6%B2%B9%E5%B9%B3%E8%A3%9D%E6%96%B0%E5%B1%85-%E5%91%A2%E5%80%8B%E5%83%B9%E9%8C%A2%E6%90%9E%E6%8E%82%E5%9C%B0%E6%9D%BF-%E8%87%B3%E5%B0%91%E6%85%B3%E6%88%90-%E8%90%AC ) [4] => stdClass Object ( [title] => 公屋商場街市空置率爆升!呢2個屋邨成重災區 吉舖湧現變死場?街坊:個個食急凍菜 [articleId] => 20063793 [permalink] => https://hk.ulifestyle.com.hk/topic/detail/20063793/%E5%85%AC%E5%B1%8B%E5%95%86%E5%A0%B4%E8%A1%97%E5%B8%82%E7%A9%BA%E7%BD%AE%E7%8E%87%E7%88%86%E5%8D%87-%E5%91%A2-%E5%80%8B%E5%B1%8B%E9%82%A8%E6%88%90%E9%87%8D%E7%81%BD%E5%8D%80-%E5%90%89%E8%88%96%E6%B9%A7%E7%8F%BE%E8%AE%8A%E6%AD%BB%E5%A0%B4-%E8%A1%97%E5%9D%8A-%E5%80%8B%E5%80%8B%E9%A3%9F%E6%80%A5%E5%87%8D%E8%8F%9C ) )

↓【限時搶⚡】Stecco Natura意式雪條↓

↓免費意式雪條|杯裝意式雪糕買一送一↓

↓免費意式雪條|杯裝意式雪糕買一送一↓

Array ( [0] => stdClass Object ( [title] => 黎明「J女郎」淡出樂壇轉行做OO!8字回應代表作無預警被下架?網友感可惜:紅歌唔紅人 [articleId] => 20063926 [permalink] => https://hk.ulifestyle.com.hk/topic/detail/20063926/%E9%BB%8E%E6%98%8E-j%E5%A5%B3%E9%83%8E-%E6%B7%A1%E5%87%BA%E6%A8%82%E5%A3%87%E8%BD%89%E8%A1%8C%E5%81%9Aoo-%E5%AD%97%E5%9B%9E%E6%87%89%E4%BB%A3%E8%A1%A8%E4%BD%9C%E7%84%A1%E9%A0%90%E8%AD%A6%E8%A2%AB%E4%B8%8B%E6%9E%B6-%E7%B6%B2%E5%8F%8B%E6%84%9F%E5%8F%AF%E6%83%9C-%E7%B4%85%E6%AD%8C%E5%94%94%E7%B4%85%E4%BA%BA ) [1] => stdClass Object ( [title] => 香港曾有「綠雨」暴雨警告信號?30年從未使用原因曝光天文台解釋分級制 [articleId] => 20063781 [permalink] => https://hk.ulifestyle.com.hk/topic/detail/20063781/%E9%A6%99%E6%B8%AF%E6%9B%BE%E6%9C%89-%E7%B6%A0%E9%9B%A8-%E6%9A%B4%E9%9B%A8%E8%AD%A6%E5%91%8A%E4%BF%A1%E8%99%9F-%E5%A4%A9%E6%96%87%E5%8F%B0%E8%A7%A3%E9%87%8B%E6%9A%B4%E9%9B%A8%E5%88%86%E7%B4%9A%E5%88%B6 ) [2] => stdClass Object ( [title] => 香港便宜內地貴的9樣東西!呢樣平大陸5倍獲小紅書力推:超高性價比 [articleId] => 20049810 [permalink] => https://hk.ulifestyle.com.hk/topic/detail/20049810/%E9%A6%99%E6%B8%AF%E6%AF%94%E5%85%A7%E5%9C%B0%E6%9B%B4%E4%BE%BF%E5%AE%9C-%E5%B0%8F%E7%B4%85%E6%9B%B8%E6%BF%80%E6%8E%A89%E5%A4%A7%E6%8A%B5%E8%B2%B7%E4%B9%8B%E9%81%B8-%E7%B6%B2%E6%B0%91-%E8%B6%85%E9%AB%98%E6%80%A7%E5%83%B9%E6%AF%94 ) [3] => stdClass Object ( [title] => 港爸獲派大埔舊公屋睇完即要!DIY髹油平裝新居?呢個價錢搞掂地板 至少慳成$20萬 [articleId] => 20063237 [permalink] => https://hk.ulifestyle.com.hk/topic/detail/20063237/%E6%B8%AF%E7%88%B8%E7%8D%B2%E6%B4%BE%E5%A4%A7%E5%9F%94%E8%88%8A%E5%85%AC%E5%B1%8B%E7%9D%87%E5%AE%8C%E5%8D%B3%E8%A6%81-diy%E9%AB%B9%E6%B2%B9%E5%B9%B3%E8%A3%9D%E6%96%B0%E5%B1%85-%E5%91%A2%E5%80%8B%E5%83%B9%E9%8C%A2%E6%90%9E%E6%8E%82%E5%9C%B0%E6%9D%BF-%E8%87%B3%E5%B0%91%E6%85%B3%E6%88%90-%E8%90%AC ) [4] => stdClass Object ( [title] => 公屋商場街市空置率爆升!呢2個屋邨成重災區 吉舖湧現變死場?街坊:個個食急凍菜 [articleId] => 20063793 [permalink] => https://hk.ulifestyle.com.hk/topic/detail/20063793/%E5%85%AC%E5%B1%8B%E5%95%86%E5%A0%B4%E8%A1%97%E5%B8%82%E7%A9%BA%E7%BD%AE%E7%8E%87%E7%88%86%E5%8D%87-%E5%91%A2-%E5%80%8B%E5%B1%8B%E9%82%A8%E6%88%90%E9%87%8D%E7%81%BD%E5%8D%80-%E5%90%89%E8%88%96%E6%B9%A7%E7%8F%BE%E8%AE%8A%E6%AD%BB%E5%A0%B4-%E8%A1%97%E5%9D%8A-%E5%80%8B%E5%80%8B%E9%A3%9F%E6%80%A5%E5%87%8D%E8%8F%9C ) )