音樂人郭偉亮（Eric Kwok）擔任經理人的女團XiX，由5位成員良玳瑩（Crystal）、楊秉頤（Caitlin）、繆昀希（Charlotte）、鄧曉殷（Kiele）和莊殷玥（Vici）組成。早前傳出成員Vici退團的傳言，Eric Kwok昨日（5日）舉行記者會交代女團XiX成員變動一事，甫開腔便立即澄清Vici是「被踢走」而非「退團」。
Eric Kwok澄清Vici是「被踢走」而非「退團」
Eric Kwok透露早在三星期前就已經決定此事，並與其家人取得共識，現在正式宣佈XiX由五人女團縮減變成四人女團，更表示歡迎加入新成員，以開放態度招攬新成員加入。
被問到事件當中的來龍去脈時， Eric Kwok就坦言家長的過度干預導致事件發生至忍無可忍的地步，直指自己與太太葉佩雯跟前成員Vici與其家人花了許多時間和心機去磨合，但最終不果，當中有牽涉到家長的過度參與演變成過度干預，最終變成不尊重同時失去信任，因此無法再有一致共識走下去。
Eric Kwok寸爆講更多內幕
Eric Kwok之後再爆出更多事件的內幕，表示絕對100%力撐太太葉佩雯早前的言論，直言「至於佢講邊個，你自己諗啦」，態度寸爆，火藥味相當濃。Eric Kwok又繼續爆seed：「佢講嘅嘢只係冰山一角，佢真係嬲到冇可能再嬲先會咁講」，
Erick Kwok並透露與太太付出許多，但不獲欣賞，就會反問自己「做乜要幫你」，之後在軟硬兼施的情況下仍覺得無法相處，在幾個月的時間內思前想後，終於落實此決定。
Eric Kwok直言「我哋有運行」
Eric Kwok續稱：「我覺得佢冇咗我會開心啲，正如我冇咗佢而家都開心咗好多。就好似個天，陰天行雷閃電，落好多雨，落咗六、七、八個月雨，而家忽然間晴天，個感覺，我終於覺得我哋有運行！」Eric Kwok的解釋繼續將「槍口」指向前成員Vici的家人，直指與他們真的「好唔夾」、「係時候要分開」、「佢哋爹哋媽咪係點，啲女就係點」。
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
