近日正舉行巴黎奧運，大家都突然再對運動有關的事都特別感興奮。由方東昇和黃曉瑩攜手炮製的無綫節目《猜猜我是誰》，今集就講到已故足球員、亦曾經活躍於影視圈的林尚義，令觀眾回憶起以往他在節目內評述足球比賽時，幽默、風趣的講波手法。
人稱「阿叔」的林尚義，說話充滿自信，而且有自己性格，他在中文大學的經濟系畢業，畢業後曾在中學擔任教師。而且他亦曾效力東方、傑志、流浪，好威水在1958年東京亞運會，代表中華民國出賽奪金牌，兩年後參加羅馬奧運。掛靴後做足球評述員逾20年，為無綫節目講波，以及重要賽事如世界盃助陣的他，講過不少金句，而且亦在直播期間有經典場面。
2006年為無綫主持世界盃決賽後，於節目內宣布正式退休。他曾有過兩段婚姻，2005年第二任妻子離世後，使他大受打擊，隨後退休聽醫生勸告戒煙。2009年被兒子發現他在住所暈倒送院，終年75歲。
為無綫講波的林尚義，跟不少藝人朋友合作。現時差不多每日由朝做到晚，拍《愛回家之開心速遞》又要主持巴黎奧運節目的鍾志光，對這位老拍檔感情要好，當時林尚義離世10年，鍾志光仍然不捨老友，出帖文表示懷念，而近日在節目內，仍然把林尚義掛在口邊。
林尚義主持節目時除了大爆金句之外，亦都有不少經典場面，1998年世界盃足球賽八強賽由法國迎戰意大利的賽事上，他跟李克勤、郭家明在當地球場為該賽事做評述，他並不知道正在直播中，突然煙癮大發把一枝香煙放入口中，嚇到直播廠內的同事起哄、而坐在林尚義身旁的郭家明亦做提醒，平時淡淡定的林尚義都感愕然立即放下香煙扮冇事。去廣告前，李克勤亦來一個幽默：「家明，我哋畀啲時間阿叔食少少嘢，睇睇現場精華片段先。」
除了在球場、評述足球賽有出色表現之外，林尚義在90年代亦做過演員，他當年扮過有壓力的「巴士阿叔」拍節目宣傳片之外，亦拍過電視劇等，跟沈殿霞、薛家燕等人合作。而演藝生涯上最令人難忘，相信少不了電影《逃學威龍2》，飾演柔道教練；《古惑仔之人在江湖》飾演牧師，勸陳小春等黑社會成員出回正軌，木獨外表卻帶風趣的對白。
現實中，林尚義都其實好正經，對於足球好認真，亦有自己的一套想法，他接受訪問時，曾經表示：「我講波唔講資料、數據，亦唔提賠率，我覺得好冇意思，你即係教人賭波，我根本唔喜歡人賭波」。而且性格直率，說話好直接，坦言不喜歡足球員射十二碼前沒有坐跑：「我最唔鍾意啲球員射十二碼，擺個波喺前面，退後一步，就咁射，我踢咗12年波，有乜嘢我唔夠膽講，冇嘢我唔敢講。」
」，
App內睇文同睇片可隨時捕捉U Fun彩蛋，
換領現金券及禮品！
↓【送】利苑迷你軟心陳皮紅豆月餅！↓
↓必試全新口味！清甜幼滑紅豆蓉+醇厚甘香陳皮↓
↓【請您試用】Parisine全新香水身體護理系列↓
↓潔淨肌膚同時散發綿長持久的香氣↓
