Jeremy李駿傑推出新歌大膽向前輩蔡卓妍挑機 網民驚訝二人合作：同姐姐好襯
MIRROR最近部分成員推出單曲，除了有不斷OKOK的盧瀚霆之外，還有姜濤及李駿傑（Jeremy）。李駿傑跟盧瀚霆一樣，周圍走藝人歌手玩Dance Challenge，李駿傑就特別威水，找到跳唱組合前輩蔡卓妍挑機。
近日李駿傑、盧瀚霆和姜濤各自為新歌積極宣傳，姜濤昨晚預告《Every Single Time》找來馮德倫為MV執導，而且更會有一位神秘嘉賓演出。至於盧瀚霆的《Hey Hey OK!》，就跟李駿傑派台新作《TOXIC!》一樣，挑戰高難度舞步，邀請粉絲和藝人大玩dance challenge。
盧瀚霆分別找到COLLAR的Marf外，還有謝安琪跟女兒、陳蕾、隊友柳應廷、小薯茄的童童和麗英、馮允謙、Serrini及男團FINALLY等；至於李駿傑早前已經邀請到隊友邱士縉（Stanley）外，還有ERROR肥仔、COLLAR、楊安妮（Winwin）、903 DJ謝茜嘉、梁文禮和吳林峰等，分別一起dance challenge。
李駿傑分享片段，原來秘密找到前輩蔡卓妍（阿Sa）壓軸登場，而他還透露找對方都有段故事：「自己以前都會成日聽阿Sa同Twins嘅歌，所以今次玩時，都有透過熟人問阿Sa可唔可以一齊玩，佢好好應承參與呢個challenge，能夠同偶像團體前輩玩呢件事係好有意思同好正！」
除了一眾藝人外，不少fans也有參與dance challenge，李駿傑很感謝大家的參與，他說：「好多fans都有玩dance challenge，但今次舞步係有啲難，因為特登編難啲，所以為咗dance challenge自己都準備咗簡單版、正常版、超難版俾大家揀，去到後尾同歌手朋友玩嘅時候再簡化啲，令到就算冇咁叻跳舞嘅都可以一齊玩，所以最終有4個版本。玩完之後發覺下次可以舞步簡單啲嘅時候先嚟玩呢個dance challenge，大家會更加容易一齊玩。」
李駿傑昨晚（5日）在IG分享跟蔡卓妍跳舞片段後，對方立即留言「加油」鼓勵後輩，其他網民見到都超驚喜，有人問，「阿sa😱 係咪之後有合作？」還有網民笑言，「其實豬仔有時啲表情有啲似阿Sa🤣🤣唔知有冇人講過」、「靚靚版TOXIC! challenge」、「咁叻仔搵到啊sa 一齊玩」、「亞Sa 好靚靚呀，同Jeremy 一起沒違和感，仲好襯😍😍😍 點呀🤣」、「駿兒 同Sa姐姐跳 Toxic 😍😍都好鬼襯⋯⋯好好睇❤❤」、「嘩！what a way to end this challenge! 戰神豬好有face」、「一直覺得你哋有d 似樣」、「難得請到sa sa 跳多少少嘛」、「點解你會搵到阿sa㗎」。
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
