巴黎奧運快將於12日正式閉幕，閉幕儀式將於香港時間凌晨3時舉行，不少奧運選手都未有等待閉幕儀式就率先回國休息，港隊都有大部分成員已經返港。其中羽毛球混雙組合鄧俊文和謝影雪八強止步，但兩人受訪時提到傷患的真情剖白，令全港市民動容力撐。由於謝影雪將會退役，鄧俊文暫時去向，不過一於放個假，跟女朋友楊雅婷飛日本旅行放鬆一下，不過竟然遇上地震。
謝影雪和鄧俊文返港後短短幾日，大家都各有各放鬆，謝影雪因網上分享好想試食麥當勞的McGriddles，令大家幾乎要成立「謝影雪幾時食到McGriddles關注組」，至於鄧俊文日前出發日本，他更笑言今次終於難得不用帶球拍飛，原來他跟女友及好友們一齊飛日本旅行。見鄧俊文IG分享，他們除了行街「食好西」外，更走到農場親手採摘新鮮的提子，就算勁熱加上爆汗都非常享受開心，果然離開球場就已經冇晒壓力！不過昨日日本宮崎縣近海發生7.1級地震，造成12人受傷，至少兩間房屋倒塌。氣象廳一度發出巨大地震注意警報和海嘯警報，並提醒民眾留在安全地方，不要接近海岸，又警告有山泥傾瀉危險。
身在日本的鄧俊文都有感地震，更在Threads分享心情，「啱啱喺熊本行行下街有地震真係正個人呆咗，係咪得我先咁怕死？」不少網友都留言安慰，又著鄧俊文萬事小心，下載地震App、做好防震心理建設等等，不過部分人笑他緊張到打錯字，又搞笑吩咐鄧俊文「第二朝食番個日產McGriddles定驚，跟住send俾謝影雪」，不過已試食的謝影雪未有理會，反而留言玩「大踢爆」，她留言說：「唔使地震啦，你一個人瞓都怕！」謝影雪經常拍住鄧俊文出埠比賽，一句間接踢爆鄧俊文原來好細膽，莫非唔怕輸但怕黑？
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
