唐詩詠在無綫的時候，默默拍劇，最終被她爬升上視后地位。2年前卻離開無綫，尋找更大的發展機會，工作得意，感情卻一直空白。「脫無」後較空閒，不用長時間拍攝趕劇的日子，她識得享受生活，閒來去旅行又去上堂學做麵包，不過都是一人活動。久旱的她近日似乎得到甘露，疑有男伴同遊日本。
劇集《白色強人II》播出後，唐詩詠終於離開無綫。加入公司24年，她一直密密接劇，近年開始有更多想法，回復自由身後，與恩師甄詠蓓合作，籌備自編自演舞台劇，故事以自己回憶做故事藍本，剖白自己對母親離逝多年心結。
除了工作以外，唐詩詠更懂得享受生活，抽出時間做自己喜歡的事，不時跟不同大師學整麵包靚相，又經常與好友共聚生活悠閒。不過感情一直空白，各項活動上都未見到男伴一齊陪伴 。
早前，唐詩詠去日本旅行，疑被野生捕獲有男伴同遊日本環球影城，當日她竟然大解放沒避忌，冇黑超冇口罩，穿著白色背心，頭戴公仔頭飾笑容滿面，同行竟然是網台「歡樂馬介休」中，有翻版洪天明之稱的Rico，兩人似乎毫不相干，翻查資料亦從未合作，認真離奇。
樂園當日有不少香港旅客，但二人都公開齊齊戴上「情侶公仔頭飾」，公然在樂園內不避嫌遊走打卡，Rico更好細心，準備好太陽傘為唐詩詠遮太陽，期間有唔少旅客認出她，上前邀請合照，她都一一接受，而Rico全無怨言，企埋一邊默默守候，似足蜜運中的情侶！
對於唔少網民祝福唐詩詠有新戀情，她大方回應時表示：「梗係唔係新戀情啦，今次去大阪係去拍網台ChillGOOD節目嘅《絲打去旅行》，同Rico都係第一次見面，不過佢份人幾搞笑，嗰幾日都玩得好開心，可以免費去旅行，寓工作於娛樂！」原來這次是一場美麗的誤會，咁何時才有一個浪漫愛情故事的開始？
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
