巴黎奧運賽事今日來到最後一日，閉幕儀式將會明日（12日）凌晨3點多在巴黎舉行，不少賽事的金牌戰連日來陸續上演，其中男子籃球金牌戰由「東道主」法國對力爭五連霸的「夢幻隊」美國今早凌晨3點半直播，香港籃球迷相信都捱眼瞓一齊睇這場世紀對戰，一向愛打籃球的許家傑都不例外，更踩入TVB奧運直播室同觀眾一齊睇。
今日凌晨三點，奧運男子籃球金牌戰由「東道主」法國對力爭五連霸的「夢幻隊」美國，尤其今次美國隊有多位身價相當高的NBA球星，Stephen Curry、Lebron James、Kevin Durant等，賽事可觀性相當高。TVB《2024巴黎奧運 重點直擊》除了有專業旁述外，身為籃球迷的許家傑都有湊熱鬧，齊齊坐上主持枱觀賞今次賽事。
《愛回家之開心速遞》中飾演「送水輝」的許家傑今次不止做觀眾，講波都有板有眼，拍檔林淑敏都有捱眼瞓捧場，Cap圖留言說：「連波你都識講！」而家傑回覆說：「好開心同大家一齊睇波！」、「唔止送水，吹水都係我強項」認真搞笑。雖然睇埋頒獎禮差不多清晨六點幾先做完直播，但許家傑都表現得非常亢奮High到爆！
完騷後，許家傑都不忘跟一眾專業主持及旁述合照留念，他留言說：「1） 細細個成日睇奧運直播，覺得啲主持好犀利，可以講足成晚。2） 40歲既LBJ 身價已經係天文數字，但係仍然會搏到盡，仲勁過啲後生仔（利申 本來唔係特別鍾意LBJ ) 究竟點樣可以做到嘅呢？就係你要好鍾意嗰樣嘢，唔係用金錢去衡量。純粹係一份喜愛。今日真係好開心，可以喺直播同大家一齊睇波，見證住Curry LBJ KD 嘅最後一屆，個心真係一直卜卜卜卜跳同埋起雞皮。多謝鍾志光鍾Sir帶領住，仲有非常之聰明又勤力嘅德德（陳懿德），和藹可親嘅梁國成梁Sir，超級專業嘅Kelvin。呢場波真係好有愛，感恩！」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【送您戲院現金券😍】投選您心目中的男神女神！↓
↓立即投票支持您哋嘅偶像啦！↓
