TVB新劇《法證先鋒VI倖存者的救贖》開播近一星期，飾演「吳書婷」的傅嘉莉（Kelly）連續三集挑戰不同程度的情緒戲，先是第二集以為老公阿喬（馬貫東飾）殉職、到最後發現其實吉人天相的化悲為喜 ；第三集阿喬慘死後獨自在𨋢中放聲嚎啕大哭，及昨晚（15日）第四集先後在家中因掛念亡夫淒然落淚，及在車上向阿喬上司井Sir（袁偉豪飾）淚崩式失控自責的場口。
傅嘉莉4分鐘喊戲演技爆發
昨晚車上的情緒戲難度極高，該幕時長約4分鐘的情緒戲確是相當複雜，為了配合對白，傅嘉莉的聲線除了要遊走於虛弱、激動及歇斯底里之間外，更要夾雜無力、憤怒、自責、自嘲、苦笑及痛恨自己六大情緒，加上還要邊哭邊應付連串對白，絕對是考牌之作。傅嘉莉全程亦演繹得既入戲亦甚有感染力，喊到涕淚相連之餘，更拋下靚女包袱哭至面容扭曲！
傅嘉莉6種情緒轉換
另一場在家中向井Sir表達對亡夫思念的喊戲，傅嘉莉則演繹出完全不一樣的感覺，雖然同樣喊至眼淚鼻涕，但主導情緒卻是懷念、茫然及心酸，兩場喊戲竟能演出不一樣的層次，功力非一般。傅嘉莉受訪時驚爆原來兩場戲的對白，均是在編劇引領下親自撰寫及構思：「因為呢個係我個角色對老公嘅真實情感，自己諗自己寫番對白係希望個感情可以再舒服啲流露出嚟。」並謂拍攝車廂喊戲難度頗高：「因為係真實嘅揸車戲，尤其阿Ben要一路揸一路演好難，二來揸車路面有好多預料唔到嘅情況，遇到路口位要停頓，對白未必接得番，第三難控制嘅係聲音，我試過幾次因為側邊嘅車響號而要NG，但因為情緒戲打斷咗幾次就比較難，呢個都係做演員嘅挑戰。」
傅嘉莉喊足三集成「喊戲擔當」
傅嘉莉一連喊足三集的爆喊戲集集唔同層次，更Level Up成無綫新一代「喊戲擔當」，其中一場4分鐘喊戲轉換3種聲線及6種情緒，獲讚演技顏值兼備。由於一場比一場演得精彩，Kelly在網絡吸獲洗版式好評，不少網民留言大讚她演技「脫胎換骨」，喊戲已去到Next Level新境界：
傅嘉莉難忘拍畢𨋢內喊戲
傅嘉莉又透露第三集的𨋢中崩潰爆喊戲是一take過，並坦言今次拍攝情緒戲前心情緊張：「面對親人死亡嘅戲，我係膽顫心驚，因為唔係普通嘅小事，而係切膚之痛。我記得𨋢嗰場我演完後寫咗篇嘢，我真係覺得個靈魂好似被掏空咗咁，根本都唔係對眼喺度喊，而係個靈魂喺度哀嚎，好似連最後一口氣都要爆發出嚟咁。」雖然贏盡好評，但傅嘉莉最後還是謙虛謂：「睇番都仲係覺得仲有好多進步空間，主要都係希望自己帶動到觀眾嘅情緒。」
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
