由潘燦良、朱茵等人演出的ViuTV 新劇《反起跑線聯盟2》剛播出，繼上一輯反映出現今香港學生求學壓力後，今次承接過去，學生們升上小學後，面對功課壓力之時，也探討了做父母的問題，切合現今話題：「做父母都要考牌」。
今輯劇情講述第一季內，樂悠悠幼稚園一眾學生升上小學，「七小福」都升讀了主張愉快教育的小學。原本家長們都放心，子女從子在學習生活上會變得輕較輕鬆，大人和小朋友都可以私人時間玩。可是，學校卻來了十分嚴格的冼老師（朱茵飾），令一班緊張子女成績的「怪獸家長」都覺得過份要反抗。
這套劇開播的時候，冼老師的人物性格，令觀眾聯想起日劇《女王的教室》中，由天海祐希飾演的當刻板老師。朱茵的出現，令學生和家長的變得痛苦，飾演「虎爸」的潘燦良，不滿朱茵的鐵板式教學而針鋒相對。
朱茵相隔13年再次拍劇，早前跟潘燦良一起為劇集宣傳做訪問，提到今次角色特別，演戲時大叫過癮，她說：「冼老師係一年級老師， 佢非常嚴謹，比虎爸去得更盡，要求小朋友唔能夠錯， 攞100分唔夠， 要120分，嗰20分係預備你考試唔記得時時候用。」她還表示，冼老師要求學生罰抄，並非無原因：「我都係呢套戲先知， 利用小手肌肉抄寫傳入大腦， 形成記憶， 我都係聽導演講，佢哋有研究過。我個女呢一代唔使抄寫， 就會唔記得。」
潘燦良飾演的虎爸，原來志同道合， 但見老師要求過份令兒子辛苦，才會想對抗冼老師，他表示：「大家都係為小朋友好， 但佢哋接唔接受到呢？有我哋呢啲極端家長、老師， 會產生乜嘢反效果， 呢套劇令家長方面有好多反思，第 一季小朋友讀書有乜壓力，今季主題係點樣做好一個父母， 要教吓佢哋點做父母，因為未必個個識。」
為了拍好嚴肅老師的角色，朱茵最初都不敢跟一班小演員有太多互動：「呢個角色好有火花，係新嘗試，咁有氣場， 又得人驚 ，我鍾意自己出場 ，一嚟就知我唔係善男信女。為咗嗰度氣場，最初我唔同嗰班小朋友玩， 想要佢哋有啲驚， 但拍咗一輪呃唔到， 知我哋扮惡。」
潘燦良亦表示再見劇中的小演員，感覺大家都長大不少：「 相隔兩年再拍佢哋都大個咗， 叻咗又醒咗， 今次拍攝時已經唔使再教，知道喺片場要點做，識晒啲術語，又知拍攝過程係點。聽副導演講，佢哋會一齊研究點樣演戲，好犀利，做我個仔嘅Martin仲成為咗小朋友圈中嘅大佬， 好有領導才華。」
現實生活中，朱茵的女兒黃鶯已經11歲，即將會升中學。朱茵自言都是一個十分嚴格的母親，負責跟女兒的功課，不會過份遷就女兒，有錯會提醒，相反爸爸會較溫柔：「考成點唔重要， 最重要事前有溫書準備， 唔高分唔成績理想都算， 分數唔係一切。反而係發生事佢要用乜方法處理，要識執生。」
現時黃鶯踏入青春期，朱茵會較著重女兒禮貌、禮儀的事，有時會考起她跟老公：「踏入青春期頂到行，牙尖嘴利，當佢有一樣目標，會千方百計推你去陷阱跣你，令你答應佢要求。我同同爸爸要小心答， 冷靜用腦諗，點去應對。例如佢有時會問，可唔可以去人哋屋企瞓， 我要諗點同佢拆， 唔可以只係答佢得者唔得咁簡單。」 她笑指女兒重友情，但未懂得結交男朋友，所以爸爸仍未需要擔心。
坐在旁邊的潘燦良，與蘇玉華拍拖24年，於2020年結束愛情長跑結婚，但現時仍然處於二人世界，並沒有太刻意升級做人父母，沒有養育兒女的壓力：「好輕鬆，佢哋有佢哋幸福，有佢哋嘅完整人生，有下一代嘅心態同我哋真係好唔同，我哋自己選擇嘅，以前都偶然傾過係咪要生，唔會太刻意再有乜計劃。我哋都係隨著生活而走， 慢慢地人生去到呢個階段， 冇理由而家後悔。現時我哋都會好好享受而家生活。」安於現在，開心就好，反而沒有壓力。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
