吳文忻接受化療及免疫治療抗癌 全身乏力痛楚：唔知點捱落去

吳文忻分享影片，片中的她透露完成兩次化療，而化療期間血壓一度飆升，幸好最終順利完成。吳文忻坦言慶幸自己未有嘔吐或者反胃等不良的反應，亦乖乖食好多營養補充品，不過她開口講說話不久就已經開始咳嗽，而且聲沙沙兼氣弱游絲。她表示已經預計往後周期的化療副作用更加辛苦，亦將要面對剃光頭髮的事實。

+4

+3

點擊圖片放大

她決定往後繼續分享抗癌的經驗和心路歷程，「如果可以在我的社交平台比關心我的朋友看見我每天在做甚麼，接受他們的支持，也幫到自己去努力打呢場漫長的仗！不是很好嗎？起碼逼到自己每日去做一點事，有點存在價值，感覺也會好些！」吳文忻是1998年度香港小姐季軍，2011年與老公陳劍陵結婚後先後育有兩名女兒，吳文忻為照顧家庭已經全身退出幕前工作，不過一向都保養得非常好，毫不吝嗇大曬泳衣照分享自己靚靚身形，絕對是辣媽一名。

+9

+8

點擊圖片放大

吳忻熹乳癌復發治療過程全文如下：

6/8/2024
今天開始我人生的第一次化療和免疫治療，將會是一個漫長的旅程，這個旅程是辛苦的，有幾辛苦，是值得唔值得，等我一一記錄下來。今日吊針由一點調到六點。中途血壓高度185，護士要停藥吊住鹽水先，過咗大半個鐘頭再驗血壓落返143先再繼續，有點兒嚇親我！今日第一日第一個Cycle身體反應感覺良好，沒有之前人們講的恐怖。但人們都說最恐怖的是第三個cycle之後，當白血球跌到好低嘅時候是最辛苦的，所以不敢太樂觀！

7/8/2024
今日化療之後嘅第二日，感覺OK！仲可以去車個女去學跳舞。去買定啲嘢返屋企煑！sigh……今個月工人放成個月假！好彩多得啲朋友幫手，我要去吊針嘅時候就放兩個女去朋友屋企同朋友嘅女玩，又幫我買咗好多幫助我恢復身體體力嘅食材！感恩！

8/8/2024-11/8/2024
攰到想死，全新周身骨痛，講嘢又氣喘，一直攤喺床，好辛苦，冇心機，心諗點樣可以捱落去，仲有漫長嘅路，好朋友彭秀慧，分享了她表姨甥在她的IG之前接受化療的每日進程，自己想了一會，覺得自己也應該這樣做。因為我總不能夠每日都攤喺床度吧！感覺很死！好像在等死！分享每日煮啲乜嘢俾自己食，有啲咩係應該要在化療期間食和飲，分享比同路人，也是一件好事。另外因為之前把自己收埋了一段時間，而我這個星期開始陸陸續續有話俾朋友聽我cancer的事，每日都收到很多問候的message，雖然很窩心，但是在我全身周身骨痛，攰到想死的時候，要逐一回覆也是一件很累的事，如果可以在我的社交平台比關心我的朋友看見我每天在做甚麼，接受他們的支持，也幫到自己去努力打呢場漫長的仗！不是很好嗎？起碼逼到自己每日去做一點事，有點存在價值，感覺也會好些！

12/8/2024
接受第二次化療前的一日，晨早要去醫院抽血，下午接受明周訪問。

13/8/2024
第二次化療，今次淨係吊一隻藥叫紫杉醇，吊完超……….攰，坐的士回程中，我忍不住攤了在座位上，嚇親的士司機，問我有冇事。不好意思！

14-17/8/2024
有時精神，有時候又突然好攰，仲未開始甩頭髮！

明白其他傳媒朋友想同我做專訪講吓感受，但我現在真係需要很多嘅休息和調理，所以決定只做了一次專訪公開事情，跟著專注處理自己身體，希望各傳媒朋友明白！
我會趁有精神嘅時候，會拍定片同大家share，我每日食啲咩，煲啲咩俾自己去飲同補充體力，同講吓感受，有興趣睇同支持我嘅話就follow我啦！因為你哋每一句支持嘅留言，對我都有好大嘅正能量推動力！感恩！