現年38歲嘅賴慰玲（Winki）卡社交平台宣布再次懷孕！唔少朋友都送上祝福，而最開心嘅相信係佢6歲嘅囝囝Yaya終於有個玩伴。
賴慰玲着上貼身短袖黑裙，手腳依然非常纖幼，只係有一個小小孕肚凸出，真正係肥人唔肥肚，賴慰玲留言：「相隔6年，再擁有這條曲線，仍然有一種好奇妙的感覺🥰。」佢表示隔咁多年佗b感受到佢嘅生命力仍然覺得好幸福，不過bb性別係咩佢就賣個關子：「胎動依然係令我哋最有幸福感，男女都咁鍾意，我啲朋友估男女估得好開心baby2 is coming❤️」
賴慰玲仲表示佢小哥哥Yaya（囝囝乳名）成日摸住佢個肚話好鍾意弟弟／妹妹，可愛表現真係令人融化！唔少朋友都留言送上祝福，好友陳凱琳留言：「yay!! Finally announced（終於公布！）」，陳瀅就留言畀心，相信都係一早就知道好消息！
睇番Winki上個月喺社交平台發布嘅相，雖然有着鬆身衫，但一啲都睇唔出佢懷孕，完全冇孕味；而佢同張振朗就合照更加係着上露臍裝，肚入面嘅bb光速成長，營養滿滿！Winki於2012年與舞台劇演員梁子峰交往；2017年7月8日透過個人社交網站宣佈懷孕消息，同年8月28日正式註冊結婚，並於年底誕下一子梁進也（Marat）。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
