蔡一智太太周雪芳昨日上載咗一條送機片，原來係一家送剛滿18歲嘅囡囡蔡斐嵐（China）去外國讀書，片中見到眾人都非常唔捨得，尤其係爸爸阿智，睇到人都眼濕濕！
周雪芳post出一條送機相剪輯成嘅片段，留言：「出國留學了，捨不得。」片中一開始就見到爸爸蔡一智攬到阿女實一實，阿女將頭埋喺爸爸手臂，好似喊得好淒涼！之後阿智抱住囡囡個頭似乎作緊飛走前「叮嚀」，二人合照時雖然都面帶笑容，但睇得出佢哋都有少少強顏歡笑。
China都有攬攬弟弟，以及同兩位長輩合照，不過合照中就未見有媽媽蹤影，相信除鸣因為要揸機之外，應該因為佢係喊到最「豬頭」嘅一位。China都識好多圈中人，唔少名人明星都有留言，當中周汶錡都話接受唔到China已然咁大個女：「阿妹也出國了⋯⋯🥹 time flies!（時光飛逝）」而睇住佢大嘅容祖兒同關心妍都留言叫佢保重，同埋表示已經掛住佢。
蔡一智同太太周雪芳致力畀最好嘅嘢仔女，China於香港時就讀全港學費最貴嘅私立獨立學校「弘立書院」，十一及十二年級學費高達$279,290。弘立書院由光纖之父高錕創立，不單止是星二代，更有不少名人二代就讀，李澤楷兒子、甘比子女均就讀此校，絕對係貴族學校。
59歲的蔡一智與年輕9歲的太太周雪芳於2006年結婚，同年太太誕下女兒蔡斐嵐，六年後再誕下孻仔First Choy。蔡一智亦視太太與前夫所生的繼女視如己出，一家五口幸福滿滿！China今年5月剛滿18歲，父母為佢舉辦盛大嘅「成人禮」生日P，China亦生性多謝父母呢18年嘅養育之恩：「我知你（媽媽）佗我嘅時候好辛苦，經過咗好多艱難，生咗之後又要花呢18年時間教我、養大我、照顧我，係我人生中最開心同最……其實我有時呢真係做出啲比較離譜嘅嘢，細個時候，跟住你返去鬧我真係鬧得幾犀利……」大個女得嚟都仍然仲有少少孩子氣。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
