由潘燦良、朱茵、周家怡、袁富華、練美娟、強尼等人主演的ViuTV新劇《反起跑線聯盟2》，今次跟第一季一樣，引起不少家長共鳴。家長們為子女升學著緊得壓力爆煲，亦因為過份壓迫小朋友學習，令小孩受不了反抗駁嘴，兩代關係不時因為功課問題爭執。昨晚（20日）播出一集，反高潮出現有如「男男戀」的畫面，兩個作為爸爸的潘燦良和強尼拖手逃亡，變成搞笑「大叔的愛」，潘燦良和強尼都乘勢借愛宣傳，使這對「戀情」升溫。
新一季《反起跑線聯盟2》少了梁詠琪，反而加入朱茵做嚴格老師，帶來新鮮感，今次主力講到原本對子女學習成績十分著緊的家長們，面對比自己更嚴厲的朱茵時，連家長們都應付不到。
與此同時，家長們各自面對工作壓力，昨晚一集提到潘燦良和強尼都分別在職場上遇困難，各自去同一間酒吧飲悶酒，強尼遇上惡霸欺凌，潘燦良上前解圍後，他們在深夜的中環狂奔逃走。二人逃走期間，竟然上演「浪漫」一幕，情急之下潘燦良拖著對方，而且回望一下，充滿曖昧味道。
這一幕播出之後，網民十分受落，迴響好大，除了覺得這一幕搞笑外，更充滿戀愛的味道，有人出帖文跟其他網民一起研討，「不得了～～～～ 拖晒手、大奔走！BL 故事即將發生！暗示吖！不能說出的秘密吖！」，另一個帖文就笑謂，「似乎 GiGi 同朱茵要有百合番外篇去抗衡一下先得 噢！之前佢哋互相表現唔太 nice , 係唔想對方察覺到自己嘅情感。」他們睇得興奮，想有更多篇幅內容圍繞二人。
網民覺得潘燦良和強尼拖手充滿「大叔的愛」，強尼更自己在IG貼相分享，tag 埋對手潘燦良，「HEHE🫶，@poonchanleung」，而且更有好多hashtag，當中笑問大家是否意想不到有BL戲份。網民不斷追問，「唔通呢條先至係真正嘅感情線」、「有無BTS」、「希望下次係十指緊扣」、「可唔可以要求有加長版」、「大叔的愛 side story」、「呢幕真係好正～最勁係燦哥嗰種好陶醉嘅表情，我笑咗」、「如果港版大叔的愛拍第二季，你可以去客串一波，肯定好正」、「拖住強尼奔跑真係有阿基哥食瀨尿牛丸嘅感覺」。潘燦良見反應咁好，都來回應一下大家，在社交平台出帖文，「昨晚真是奇妙的邂逅⋯⋯大家原來最想見到佢哋一齊⋯⋯往後嘅事邊個知吖。」回答咁玄妙。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
