現年50歲嘅馬國明出咗名係「天然呆」，一向予外間嘅感覺都係一個「世紀大直男」，不過自從佢同老婆湯洛雯拍拖之後回春咗唔少，仲多咗喺社交平台分享近況。不過「江山易改，本性難改」，今日佢就分享同老公嘅六連拍，馬明嘅呆呆表現真係非常可愛。
湯洛雯分享同老公馬國明嘅六張合照，睇背景二人似乎係落緊電梯，攝影師就企高幾格幫佢哋影相，湯洛雯留言：「點解可以完全冇郁過🤣我是瘋狂粉絲嗎？」湯洛雯講嘅完全冇郁過唔係講電梯，而係講佢身邊嘅馬明，馬明喺六張相入面嘅表情同姿勢都一樣，似十足一個蠟像；而湯洛雯一見到鏡頭就即刻「上身」，多多pose同表情，由一開始企定定黐住老公，之後再扭晒身嘟嘴比V，每張都見到明顯變化，短短搭三份一條電梯嘅時間，其實真係唔容易呀！
可能湯洛雯係「天生model」，而唔係馬明太呆，然而，馬明都有用力配合老婆，見到佢手上拎住一副黑框眼鏡，相信佢係立即除低再chok出最靚仔嘅表情合照，天然呆不是罪！唔少網民都覺得呢個放閃相當搞笑，留言：「紙牌。」、「解凍佢啦！」、「馬生馬太so sweet。」都有人勸佢哋搭電梯要緊握扶手，免生意外！
其實馬明真係好錫老婆，之前婚禮都配合老婆嘅新娘夢，影咗多輯靚靚婚照，畀老婆話晒事！湯洛雯早前都大讚本身「不解風情」嘅馬明都有默默為佢作出改變：「他不是一個會給別人驚喜（的人），更不算是一個浪漫的人，但是他就是那一種，只要你跟他說過，他便不會忘記，嘗試努力做好的另一半。謝謝你為我改變，這已經是最好的生日禮物。」
」，
App內睇文同睇片可隨時捕捉U Fun彩蛋，
換領現金券及禮品！
【送飛】請您去海洋公園🎡！
↓ 簡單登記，即有機會拎到免費門票兩張↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
