法證先鋒6│蔡潔受角色影響情緒媽咪來港陪伴 與黃宗澤緋聞有望明年開花結果？

{hket:ul-video series="95/娛樂直擊"}}{{/hket:ul-video}}

由蔡潔、黃宗澤、袁偉豪、蔣祖曼、傅嘉莉等人主演的無綫劇集《法證先鋒VI倖存者的救贖》，承接著之前多輯劇集，「查案鐵三角」蔡潔、黃宗澤和袁偉豪化盡心思去破案。不過外表剛強的三位主角，各內都懷著不同的傷痛，自己獨自去面對。

蔡潔在上一輯內，飾演的范佩清，被關楚耀施酷刑兼迷姦，全裸睡在解剖床上，幸好最後能掙扎逃脫，在新一輯劇集內，角色帶著PTSD（創傷後壓力症）繼續生活。她接受本網訪問時表示：「我嘅角色喺上一輯好優雅，飲住咖啡、睿智兼且冷靜地查案，但今次其實佢有病，但固作堅強，出去約會去玩，但內心係肢離破碎，我要演到嗰個性格分別，其實好難演。我喺細節行為上會有啲改動，今次唔飲咖啡，變咗飲啤酒，睇似麻甩啲，同朋友相處時會Man啲，想表現畀人睇我係堅強、獨立。」

今輯作為「倖存者」的蔡潔，堅強與軟弱的對抗。之前接受訪問時她曾透露，今次拍攝期間，角色上都會有不少崩潰痛哭的場面，角色的情緒大上大落，自己有時都難免被牽引，經歷不少高山低谷的情緒：「上年10月拍呢套劇時候，因為劇本啲內容，加上係冬天天氣影響，搞到我情緒較低沉少少，忍唔住同媽咪講，叫佢嚟香港陪我。以前我冇試過咁樣，因為我再年輕時候唔會表達自己，佢哋永遠覺得我會搞得掂。而家識得搵個最親嘅人表露脆弱一面，可以依靠一下。」

12歲便離開家人，獨自去外國讀書的蔡潔，早就學會了獨立，而且她經常在臉上掛起甜美笑容，令人覺得她生活幸福又美滿，要她拍攝角色低沉、而且要崩潰痛哭戲，或會難以掌握大情緒的演技，她笑言：「點解你會覺得我冇嗰啲情緒？到現時為止，我都覺得蔡潔係幸運嘅，但係每個人都有好崩潰、難以負荷嘅事。我成日都講成年人每個人生活都唔易，我哋可能人前唔表現出嚟，但返到屋企可能有少少事就失控。細個嗰份衝勁、勇氣，都有可能慢慢咁少，純粹去做一件事。」她時常提醒自己要有再大的勇氣，無畏無懼地面對大世界。

天人相隔，面對親人離開是一個好大的人生話題，35歲的蔡潔，暫時仍然未能勇氣面對，細細個就面對至親離世。外公、外婆、爺爺、嫲嫲在她小時候相繼離開，當中與外婆感情最好，每次憶起都感傷痛，所以拍攝情緒戲時都會靠著掛念至親感覺入戲。訪問當日，提到外婆，蔡潔又悲從中來流淚：「公公好早走咗，所以婆婆同我哋一齊住，所以感情最好，我做咗演員之後，每年春節都會返去一家人慶祝。我不時會諗起以前同佢一齊睇電視嘅日子。到我離開屋企出去讀書，就好少返去，冇乜再陪佢睇電視。諗起好多當時嘅畫面」

日有所思，蔡潔都會跟外婆夢中見「外婆走咗好多年，但我成日發夢見到佢，有一個夢我好清楚記得，個畫面好彩色，有好多粉紅泡泡，我同婆婆喺沙灘邊行，海上面仲有好大隻遊輪，我哋一邊散步，婆婆一邊笑得好開心，我希望在天之靈為我驕傲。」人越大，蔡潔越感覺親人越來越少，她更懂得珍惜與父母相處的日子，好多時候有空便會跟父母見面，甚至帶父母親去睇演唱會、去旅行。父母最簡單的願望，就是仔女工作如意，生活愉快，自己健立溫馨家庭。

入行以來，蔡潔戀情不多，公認只有她跟王宗堯半年戀情，之後與黃宗澤傳得最火辣，甚少有拍拖的消息，她與黃宗澤多次否認戀情，她笑指家人都不時以這個緋聞來取笑她，每次都跟母親否認：「佢知我同阿波（黃宗澤）好friend ，成日會問點解會傳。我哋都唔知點嚟，可能ans睇完我哋演出有火花，真實又好朋友，才有幻想。呢個都值得開心嘅，證明佢哋鍾意睇我哋作品。」要蔡潔大談一談黃宗澤的優點時，她哈哈大笑：「咁你哋要睇《執法者們》，我哋喺埋一齊仲結埋婚，應該今年年尾或者出年會播？波總係最完美嘅，佢好好，佢係對所有人都好體貼，全世界都知，會煲湯畀大家飲，而且做嘢勤力，全世界都愛佢，唔使打動我喇…我哋只係好朋友囉。」

+14

+13

點擊圖片放大

入行10年的蔡潔，曾經參加選美，2012年在墨爾本參加華裔小姐競選，獲冠軍及「最上鏡小姐」等7個獎項。再於2013年國際中華小姐競選獲得「最受傳媒歡迎佳麗」獎。面對今年有參賽佳麗中，Dolores有翻版蔡潔之稱，蔡潔表示自己有留意報道，覺得二人不太相似，而她對後輩都有小貼士：「我覺得唔似，可能睇慣自己，佢靚女又sweet。我諗番以前選華姐，同而家有啲唔同，我哋返嚟集訓十幾日，港姐可能會耐啲，訓練3個月左右？呢個經歷會令人快速成長，我諗番以前，覺得參賽時要盡情享受旅程，enjoy個過程。當時返香港好緊張，食唔落嘢，決賽時瘦到得47kg，睇相只係見到骨，好似營養不良，唔靚囉。再做多次就覺得要enjoy，同埋瞓多啲，會靚啲。」 當蔡潔經歷過，吃過「苦味」後更加清，珍惜那份淡定的心境。