因為上《東張西望》同仔女「爭產」而成名嘅何伯與何太，雖然已經拎唔番450萬，但二人動向都仍然備受關注。何伯一直被指違規入住何太嘅公屋，日前二人就被網民影到佢哋去到房署總部，懷疑係對房署嘅遷出要求作終極申訴！
何伯同何太被網民影到房署位於何文田嘅總部，相中何伯猶如一隻小奶狗，何太玩電話佢就喺隔籬黐到實一齊睇，仲不時手多多摸老婆大髀，二人非常親密，雖然之前何太話要改嫁去美國，不過糖黐豆嘅佢哋已經力證何太仍未「派帽」。何太之後見到畀人影，就立即拎出手機反拍，唔少網民都叫post住小心自己都畀何太post上網，不過post主就未驚過，回應：「放心，成村職員走出嚟睇佢哋…好似睇動物咁🤣仲要lunch時間🤣。」
不過有網民就突破盲點，指二人踩錯場，表示如果有申訴，應該要去房委會位於樂富嘅客戶服務中心，而唔係去何文田總部，不過都有人指出：「可能佢想搵房屋署署長羅淑佩直接對話。」事實本月中房署向何太發信，要求何伯搬離何太所屬公屋，否則會再發出搬遷通知書，結果何伯夫婦搬往酒店居住，何太連日於酒店開直播，多次爆粗鬧房署職員，話已經跟足指示：「只係日頭返去煮啲嘢食，拎幾件衫就走出嚟，點解仲要出一封信壓逼我？X街，你話佢哋做乜嘢？明明都傾好咗，捉到我哋就話喺度住，總之我哋按手續辦咗，再屈我就唔掂。」何伯更揚言：「縱容下屬逼害市民！揸住雞毛當令箭！」後來何太再次表明為免因追回450萬元一事有變數，堅決不打算為公屋單位做加名手續。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
