賭王何鴻燊「不平均」分身家何超儀勁豁達 撓老公甜蜜放閃減磅重回顏值顛峰
賭王何鴻燊2020年離世，但外界仍一直好關注何家嘅一舉一動。日前何家二房嘅何超儀（Josie）到台灣宣傳自己監製及主演嘅電影《怨泊》，並接受當地清談節目訪問，再次豁達提及爸爸遺產分配。
何超儀現身台灣命理清談節目《命運好好玩》，直言獲分配嘅資產比家姐同弟弟少，但佢就豁達表示認為係合理，因為自己冇幫手打理家族生意，而家人都放咗青春喺工作之上，值得攞多啲。何超儀仲話自己一直投資拍電影，唔應該分咁多畀自己。主持人何篤霖直接問「你有分到100億港幣？」，Josie笑而不答再回應「甚麼？」，何篤霖再追問「200億港幣？」，何超儀就直接話「沒有」。何篤霖再問分到嘅身家夠拍幾多套戲，Josie就轉話題指大家姐（何超瓊）曾經喺楊紫瓊面前批評佢出品嘅電影套套都蝕錢。
其實超儀唔係第一次被問到得到幾多遺產，佢年頭喺《魯豫有約一日行》中提到，雖然自己得到比較少，但佢都覺得係「平均」：「當然比為家裏工作的姐姐弟弟他們會少一點了！所以我一年不能拍太多部片。」之後主持人就追問：「如果花完，姊姊會不會不管你？」何超儀就回答話：「（姊姊）不管，她覺得餓不死我就可以了！自己找來的。」
雖然分得比較「少」，但超儀一直深得父愛，何鴻燊曾講過，何超儀好似年輕時嘅自己，故對佢好寵愛，當冒有指她是繼超瓊後最得賭王疼愛的女兒。然而超儀父母當年唔允許佢加入演藝圈，因為驚佢得罪好多人，喺佢追演藝夢嘅初期，好彩得到家姐何超瓊嘅支持，家姐因為要撐起整個家族嘅重擔，所以放棄拍戲嘅機會，唔想妹妹又遺憾，而家姐仲喺佢最需要支持嘅時候，代表佢同爸爸媽媽爭取認可。
何超儀與老公陳子聰喺2003年11月於澳洲註冊結婚，而爸爸揀女婿有一大要求，就係要佢搵高大靚仔，而陳子聰都達到爸爸呢個要求。陳子聰近年健康出大問題，多次進出醫院，佢亦因此身形大暴瘦，然而患難見真情，何超儀對陳子聰悉心照顧，陳子聰康復後二人不時公開放閃。另外，近年被指身形脹爆嘅何超儀都成功修身，重回佢廿年前嘅顏值顛峰！
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
