陳柏宇被問15年前唱歌「動L」事件 親爆16個字原因 網友：真相大白
歌手陳柏宇（Jason）近日沉迷玩Threads，幾乎有提到他的貼文，他都逐一回覆，早陣子有網友打台灣牌唔識計番，Jason竟然主動留言解決對方的困難，立即引起不少打牌邀約。一向有「口水佬」之稱的「陳伯」Jason話題不斷，幾乎所有話題都可以搭訕，令網友們玩得非常開心，可以同偶像網上對話。
Jason有「陳伯」稱號，近年除了幾乎每朝早同網友開早餐直播成為習慣外，他連日來瘋狂活躍在Threads世界，只要有興趣的話題，他都忍不住留言加一腳，就算敏感話題，他都照樣大方發言，夠晒貼地。所以連日來Threads入面，陳柏宇就成為流量密碼，不少網友都不禁將昔日跟陳柏宇的新聞或者合照分享，成功引起Jason留言。
其中一名網友重提Jason在2009年發生的一件不可思議事件，當年Jason在一個公開活動上獻唱《你瞞我瞞》，下體離奇「激凸」並維持兩分鐘，迅即人氣急升，更被網民賜下「陳勃」嘅封號，由Jason變「啫神」！突然「動L」，Jason當時話係著低腰褲角度問題外，又話自己當時好緊張咁唱歌，只係諗住歌詞。
事隔15年，網友再次重提這件事，並留言問：「其實陳伯當年咩事，諗起啲咩？」成功引到Jason回覆，他竟然答：「上台之前瞓着咗一陣。係男人嘅都會明。」網友們紛紛留言「剝花生」：「真相大白，明既」、「成件事真相大白咗」、「終於明白咁多年不解之謎」、「好欣賞你咁坦誠」、「欣賞你夠坦白，唔似得有啲偽人死兜死撐甚至扮metoo受害者」、「水落石出」等等，令Threads充滿笑聲。
港生活人氣本地熱話
全新功能《U GO》強勢登場🎉！
立即探索🔍本地熱門活動📍好去處🔔食買玩情報
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
