印裔居港演員陳振華對香港觀眾而言並不陌生，他過往經常接拍不同的劇集，雖然印度人面孔，但卻能操流利廣東話，所以經常獲安排飾演少數族裔人士或者黑社會，深入民心。可惜，近年他的負面新聞不斷，被太太以千字文爆他曾經出軌、家暴女兒、失蹤及欠債待等，由於形象太負面，所以近來都甚少在幕前出現。最近他在抖音提及自己的健康情況...
陳振華跟哥哥陳彼得先後入行做演員，陳振華曾經在《金宵大廈》飾演Raj Sir，跟鄧佩儀有感情線，角色深入民心，不過近年比較少幕前演出。陳振華近日在抖音出Post分享近況，以「我的抗癌日記」為題，分享三集內容，原來他不幸患上癌症，「好耐冇見大家，點解我咁耐冇喺熒幕出現？因為我『中咗獎』，我中咗呢個鼻咽癌，咁都可以畀我中到，仲要係鼻咽癌四期。」他表示今次公開病情，只是想得到大家的支持，而他全程笑容滿面，非常樂觀面對抗癌之路，他感激網上的資訊和病友的分享，令他放心很多，所以自己都以身作則，好好去鼓勵其他人。「有癌症唔可怕，睇你點樣積極面對，心態真係好重要！大家一定要加油，癌症唔可怕，我哋冇嘢怕，趕走毒瘤、趕走癌症，加油！」
對於網友問及他有關鼻咽癌的病徵，陳振華表示：「早期基本冇症狀，一有症狀就已經係中，晚間，例如鼻血絲，頭痛頭暈等等，但好多人以為只係普通鼻炎，所以定期照鼻咽鏡，有咩事及早發現同治療就比較好。」陳振華表示腫瘤好大，而且已經擴散到面頰近耳朵的位置，第三條片段他表示已接受第一次化療，預計7日後再接受另一次化療，兩次為一組，三組後要觀察腫瘤有沒有變細，可能會轉藥繼續化療，希望先縮細再接受放射治療，他表示：「過兩日要做化療，我最擔心係咩？係甩頭髮，冇頭髮咪唔靚仔囉！」起初他掩面難過，但最後自我打氣：「精神呀！」
陳振華是經同鄉喬寶寶介紹入行，香港土生土長的他已婚，並育有一女。可惜對家庭不負責任，2020年太太網上爆大鑊，指他所有錢，包括女兒的利是錢、政府資助津貼、朋友接濟的金錢，全數袋住北上背妻偷食。陳太揚言陳振華曾出手打女打到流血，之後玩失蹤，令她心灰意冷決定離婚。被揭負面新聞後，加上喬寶寶曾公開向他追錢，陳振華的幕前工作量大減，有網友驚揭他在廣州餐廳打工。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
