李璨琛（Sam）的太太梁志瑩（Sophia），生了兩個得意妹，細女李斐斐（Sucy）去年二月出世，做了家姐的大女李元元（Lucy）一直以來都好乖，幫手照顧妹妹，而且經常跟妹妹玩。不過，昨晚樂極生悲，梁志瑩上載片段，Lucy不小心撞到妹妹的頭，嚇得大哭，反而要「受害者」妹妹反過來安撫，這個畫面溫馨又好笑。
妹妹Sucy未出世前，李璨琛夫婦為大女Lucy做足心理建設，不時教她要做妹妹的好榜樣，要懂得照顧妹妹，所以Lucy好生性，從來都不會呷醋，每次在妹妹面前有任務，Lucy都會聽話做好。
除了是妹妹Sucy的好榜樣之外，妹妹亦是Lucy的好好玩伴和「玩具」，都仍然好細個的她，時常捉實妹妹在家玩。有時都會玩得好肉緊，媽媽梁志瑩上載了一條姊妹玩耍中的影片，片段內Lucy坐在Sucy前方，不斷彎腰向後搖動Sucy的身體，妹妹被逗樂哈哈大笑。
不過，Lucy太肉緊，一個頭槌，頭向後撞到Sucy額頭，當時兩姊妹先呆了一秒，Lucy表情更見浮誇張開大口，Sucy也被嚇倒，相信感到痛楚，立即摸著自己的額頭。不料，反而Lucy反應更快，她立即大哭，媽媽見狀立即攬著她安慰。
原本都覺得好痛的Sucy，額頭都被撞到紅了，但見到家姐爆喊，立即收到痛楚，還走到家姐身旁安慰，而且還多次主動獻吻錫家姐。不過家姐仍然堅持大哭，Sucy企圖去拎紙巾給家姐抹眼淚。媽媽表示，「雖然妹妹成日都好周星星同學, 但係佢都好愛家姐。原來佢突然間逃走係去攞紙巾比（畀）喊緊嘅家姐，仲係咁連番豬嘴錫返家姐🥹 #相親相愛 #其實好似阿妹仲傷啲😂 #不過阿妹成個生番咁又唔怕痛又唔怕跌🤭。」
父親李璨琛見到片段後留言玩踢爆，「家姐喊得咁假嘅阿妹好似傷過佢喎😂」，太太梁志瑩立即護航澄清，「 你唔好忘記你個女生倒刺都痛到喊😂😂😂」。其他網民也留言覺得Lucy的反應太誇張，「其實係咪Lucy驚阿媽鬧先喊？ 覺得自己做錯咗好慚？不過真係讚吓妹妹 、 咁細個就識危機處理😍 忍住唔好喊仲安慰返家姐」、「明明係阿妹傷啲，點解個家姐仲要喊大聲個妹」、「其實妹妹都好想喊，不過比Lucy搶先一步，所以sucy反而安慰返家姐😂😂」、「家姐嚇到喊，驚整親個妹」。
之後又引來部份網民肉緊責怪：「有無搞錯呀，係咪應該第一時間關心妹妹有無事先呀，被撞到紅咗一撻。」「媽媽真係要開始學咩叫公平啦！ 明明係Lucy唔小心撞到妹妹，反而去理個大嘅，雖然話係Lucy怕痛，但佢大個啦，應該為自己做過嘅嘢負責，要教佢整到妹妹就要道歉，下次小心啲。」、「惡人先告狀？其實阿妹先係被撞嗰個，Lucy你咩事？為咗免被鬧扮喊咗先，你唔好屈阿妹，阿妹勁無辜。」然而都有唔少網民幫口，指Lucy都只係一個小朋友，唔應該諗到咁心計同埋咁激動咁去責怪佢，而且大家始終都只係見到短短幾分鐘畫面，可能Lu媽都有事後指導。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
