最美亞姐丨毛玉萍爆當年怒摑楊恭如前因後果 曾深夜致電大婆挑釁稱「搵老公」周正毅
22年前最美亞姐楊恭如被爆遭前上海首富周正毅正印當眾潑水及掌摑，轟動娛圈，自此楊恭如形象插水、事業走下坡。毛玉萍日前接受內地媒體訪問，重提當年事件，清楚講出事件來龍去脈。
毛玉萍重提2002年怒打楊恭如事跡，表示自己做咗好多女人想做而唔敢做嘅事。毛玉萍喺片中維護周正毅，指老公係優秀商人，難免多異性埋身，而佢自覺係聰明嘅女人，就算丈夫拈花惹草，亦有信心對方都會識返屋企，所以一直都對老公出軌「隻眼開隻眼閉」，直至遇上楊恭如，毛玉萍先有危機感。
毛玉萍指周正毅與楊恭如係透過同為上海人嘅楊母介紹認識，撻着後周正毅經常駕駛法拉利到橫店探班，更於香港豪擲12萬月租豪宅金屋藏嬌︰「12萬一個月，我記得謝霆鋒住在樓下，她住在樓上。」毛玉萍指自己一早知有楊恭如嘅存在，但「默許」老公出軌，直至楊恭如致電向她挑機，令佢大為憤怒：「我實在忍受不了，她做得太過分！有一次晚上11點，上海下大雪，她打電話給我，叫我老公聽電話，我說你老公是誰，她說︰『我老公睡在你旁邊，在打呼』，她竟然膽子那麼大，跟我講我老公在打呼，聽了之後我非常生氣，覺得她很過分，竟然把周公子當做她的老公，我說你等着，我只要見到你，我就會打你一頓！」
後來毛玉萍於銅鑼灣撞見周正毅與楊恭如飲咖啡，於是佢致電老公，當時周正毅正係傾生意，毛玉華即場踢爆︰「然後我跟他說，你出來一下，看一下誰在，他後來出來看到了我，馬上從樓梯衝上來，他說不要下去了，我跟楊小姐在喝咖啡。」周正毅最後自己走先，留下楊恭如獨自面對。毛玉萍一開始「點錯相」，打咗一名長髮女子，道歉後佢繼續深入餐廳：「我上去就是給她一個耳光，然後我不解恨，我又上去，再一巴掌，我說你不要讓我看見，下次給我看見，我見你一次打你一次，然後我就走了。她報警，第二天全香港的新聞頭條全是這件事，這件事鬧得很大，對她影響非常不好，然後她就把報警的事撤銷掉了。」
當年楊恭如被指搭上周正毅，但二人稱對方只係上海老鄉，毛玉萍當眾掌摑楊恭如後，公開表示自己係唯一周太，而周正毅則公開維護楊恭如。楊恭如數年後承認當年確有介入周正毅與毛玉萍，但稱自己是被男方欺騙，不知其已有伴侶。
楊恭如當時經理文雋今年年頭都曾經提起事件：「我好多次問恭如媽咪，佢哋咁樣傳係真定假，亦問過恭如，恭如佢係好單純嘅，覺得有個人好鍾意佢，追求佢。雖然佢有家室，嗱，呢個我聽返嚟，但係個男人曾經承諾過『我會離婚。』或者有不治之症，呢啲我哋寫戀愛劇都係咁，總之令我呢個傻妹信到貼貼服服，佢阿媽就好焦急，不過我覺得所有不該都係呢位周生。」文雋又指到有錢人追女仔容易啦，因為要乜有乜，佢指當年楊恭如到達上海後，與電話另一頭的文雋說：「爸爸，你睇吓佢（周正毅）嚟接我。」當時文雋說：「你點知道？」楊恭如又說：「有架跑車跟喺保姆車後面。」文雋都有提到掌摑事件：「嗰時佢媽咪打電話畀我，我即刻叫佢（楊恭如）上屋企，呢啲就叫做公關。雖然我同恭如而家冇咗經理人關係，但係我同佢每一年都會見面，去上海有空就會約佢食飯。有一次通電話，佢話想做直播，上個月先做完但係真係唔得。我好疼錫佢，但係佢真係呢件事耽誤咗佢。」
圖片來源：資料圖片
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
