一句歷久而彌新的網絡潮語「我真係恭喜你」多年來被網民運用得出神入化，「被恭喜」的當事人洪欣多年來未有回應過事件。洪欣雖然近年極少接拍影視作品，但亦受到不少廣告商歡迎，近日她就為香港一間活髮中心拍攝廣告短片，片段更以「洪欣首度回應：你恭喜我？我真係恭喜你呀！」為題，因而惹來網民熱烈討論。
洪欣回應「我真係恭喜你」
「我真係恭喜你」事緣自2007年起網上流傳一段電話錄音，一把疑似是「大美人」李嘉欣的女聲破口大罵，當中提到一位疑似與她不和的女星洪欣，並以一句「我真係恭喜你」來揶揄「捧紅洪欣」的行為。相關錄音流傳多年，幾位「當事人」一直從未回應事件，不過近日洪欣就在一段廣告中「自抽」，令人大叫好過癮。
從片中所見，洪欣保養得宜似少女，穿上露膊上衣和短褲上陣，凍齡體態可見一斑。洪欣開口講道：「用錯頭髮護理產品，我真係唔知恭唔恭喜你」，「甩多咗頭髮，真係唔知恭唔恭喜你好」，表情、神態、動作都交足戲，大方「自抽」親自演繹相當好笑！
53歲洪欣凍齡保養得宜
現年53歲的洪欣，於90年代入行參與劇集和電影演出，電視劇《原振俠》是洪欣較為觀眾熟悉的代表作，而此劇亦是「大美人」李嘉欣與洪欣合作結緣的劇集。洪欣近年先有幕前作品，僅間中參與內地綜藝節目演出，於圈內並不算活躍。而洪欣與蔡少芬、陳法蓉、朱茵為閨蜜黨，曾一同為內地節目《請食飯的姐姐》擔任主持。
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】AROMASE 5α捷利爾頭皮淨化液！↓
↓ 舒緩毛囊阻塞不適感 / 維持頭皮日常油水平衡！↓
↓「角逐打卡王🏆」送THE PARK LANE HONG KONG雙人晚市餐飲禮券🎟️！↓
↓請您食人氣自助餐：即開生蠔🦪、波士頓龍蝦🦞↓
