港鐵45周年早前邀請張敬軒重新演繹《幾分鐘的約會》, 穿插電影《緣份》、《三人世界》、《下一站天后》以及《幻愛》等一幕幕喺港鐵拍攝嘅經典電影場景，喚醒香港人和港鐵的共同回憶。 不過唔少網民都覺得爭咗《富貴逼人》中嘅經典逼地鐵場口，原來港鐵係「隆重其事」。
李麗珍今次在車廂中神還原《富貴逼人》「來弟」風采，並表示：「這套電影印象最深 刻,我仍記得肥姐張開手擋著其他乘客，讓驃叔『入閘』的情景，然後驃叔的臉被擠壓在玻璃窗上，兩位前輩的生鬼演出，真的百看不厭！」雖然電影《富貴逼人》迄今已經37年，但串流平台都可以欣賞到，之前有唔少網民都討論張敬軒港鐵廣告中冇《富貴逼人》中嘅地鐵場景，懷疑係因為逼地鐵畫面太過負面，但原來係隆重其事搵嚟珍妹重現場景。
除咗逼地鐵之外，肥姐仲以龐大身軀逼入已經坐咗五個人嘅五人位；去到《富貴再逼人》又再次有地鐵畫面，更有一位內地同袍拍拍近日地鐵復刻嘅「波波扶手」，以為係可以同車長對話嘅咪，道盡當時社會情況。
另外，李麗珍而憶述當年剛入行曾為《緣份》試鏡，不過片方最終揀咗張曼玉，而喺演藝界有多年經驗嘅珍妹會同阿女（Annise）分享心得，而搭鐵都係佢哋閒話家常、增進感情嘅好時機，珍妹表示：「作為一個跟大部份香港人一樣趕收工的藝人，我最愛港鐵的方便快捷,完全不用擔心塞車的問題，拍完戲可以極速回家，爭取時間陪女兒。雖然她已經大個女，但在我心目中永遠是個小女孩，最近囡囡開始接觸幕前工作，我也會擔心她若全身投入當藝人會太辛苦，偶爾出活動、拍廣告玩玩便可以了，當然最終決定權在她手上啦！」
Annise 就指媽咪是自己最好的朋友與聆聽者：「有時我們未必到同一個地方工作，但只要出門時間差不多，便會相約一起搭港鐵，在短短的車程中互相替對方加油，所以港鐵絕對是連繫了我跟媽咪的其中一樣『日用品』呢！」佢續指：「我現在接到的幕前工作，也希望有媽咪陪同才安心，始終自己沒有接受過幕前訓練，要精益求精才能在演藝圈走得更長遠！」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
