港姐特備節目《2024香港小姐 女．遊記》最新播出「新加坡之旅」，視后江美儀、港姐師姐邵初帶領1號陳紫佟Jessie、10號吳芷靖Clary和13號程姜月Dolores玩轉新加坡。節目中，向來說話直率的江美儀就「恨鐵不成鋼」，指責佳麗「好似遊魂咁」，令佳麗一度知衰淚崩道歉。
江美儀「恨鐵不成鋼」責佳麗
最新一集新加坡之旅的行程十分精彩，三位佳麗1號陳紫佟Jessie、10號吳芷靖Clary和13號程姜月Dolores在江美儀、邵初的帶領下，試穿娘惹服飾、玩浮潛、坐遊覽船，其中在最後一站，大家乘坐遊覽船觀賞夜景並盡訴心中情，江美儀以過來人身份提點三位佳麗：「你哋三個畀我感覺太依賴人，每次都會提你哋去邊、執好啲妝同衫，因為你哋好似遊魂咁，唔記得拎呢樣唔記得拎嗰樣，係咪咁樣做嘢㗎？」
1號陳紫佟聞言即時爆喊：「對唔住，我會改善，會再認真啲！」大家即時送抱抱安慰她，美儀姐再解釋：「我好想你哋三個拎冠亞軍，我恨鐵不成鋼呀！」
港姐新加坡外景
「新加坡之旅」不乏娘惹服飾體驗，三位佳麗親自揀選心儀的娘惹服飾，挑選白色Tone的13號程姜月獲讚仙氣滿滿，選擇紫色通花款的10號吳芷靖小露性感大晒女人味，剛考完DSE的1號陳紫佟雖然挑選比較保守的款式，但仍然不失可愛感覺，一行人穿着娘惹服飾去到坤成路彩色屋打卡，別有一番風味。
13號程姜月玩浮潛玩到爆喊
之後大家去到聖淘沙遊玩，首先去到水上樂園體驗彩虹礁游，三位佳麗在浮潛期間要做睇卡牌任務，惟三位佳麗均不諳水性，13號程姜月更不慎濁親爆喊，美儀姐即時落水安慰她並教導她潛水技巧，13號程姜月為了不拖累拍攝進度，最終頂硬上順利完成任務，非常叻女；玩完水後一行人接受「堅離地」任務，除了挑戰高空飛索外，還會乘坐SkyHelix離地30米玩空中Q&A，三位佳麗完全不畏高玩得不亦樂乎。
10號吳芷靖死頂食榴槤飆晒汗
一行人乘坐七彩繽紛的Sidecar遊新加坡，三位佳麗順道落區為自己拉票。之後她們去到亞洲唯一一間雪糕博物館參觀，最愛吃雪糕的1號陳紫佟聽到可以任食雪糕即時兩眼發光，大晒童真一面。五人之後去到新加坡著名的榴槤甜品店朝聖，美儀姐、邵初和13號程姜月皆是愛榴槤之人，自然吃得開懷。另邊廂的1號陳紫佟、10號吳芷靖卻對榴槤十分抗拒，但她們都頂硬上吃了一啖，兩人吃後面露難色兼飆晒汗。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】AROMASE 5α捷利爾頭皮淨化液！↓
↓ 舒緩毛囊阻塞不適感 / 維持頭皮日常油水平衡！↓
↓【角逐打卡王🏆】送AIRSIM無國界上網卡連儲值額🌏！↓
↓覆蓋超過130個國家同地區🗺️一卡漫遊全世界✈️↓
