《東張西望》昨晚報道一名操英文的觀眾報料，指他在街頭遇到一位小男生食煙，於是用手機拍低並上前好言相勸。報料人Ali表示他日前在大埔太和港鐵站附近，馬路口遇到一名小朋友食煙，Ali形容對方在他眼中只是一位「Baby Boy」，難以接受他食煙的行為，於是上前跟對方對話。
小男孩身材矮小略胖，一手拎住樽裝水和薯片，另一隻手拎住支煙，不過後來見到Ali拍攝，即時掉走煙頭。Ali問對方只是「Baby」為何要食煙，小男孩即時道歉，但對於Ali用Baby形容自己，小男孩即時用鬼妹仔口音的廣東話澄清：「all hai chung hock（我係中學）！」由於小男孩英文不太流利，只能用簡單英文字對談，Ali問為何要食煙，小男孩表示自己並不喜歡食煙，「I don't know speaking English．I in the school the study is very hard. Because I smoke can relax me. I only one...you call the police ar！（意思：我唔識講英文，我喺學校讀書好辛苦，食煙可以放鬆自己，我淨係食一支，你唔好報警！）」後來小男孩多次答應Ali不再食煙，於是就離開。
Ali接受《東張西望》魏柏豪的電話訪問，他表示見到小男孩食煙感到非常震驚，分享影片純粹希望家長可以多關心子女，認為孩子是大家的將來，從小食煙絕對不是好事。
網友們紛紛留言大讚Ali的行為相當好，又笑言估唔到外國人都識得報《東張》，仲有人認為小男孩講「all hai chung hock（我係中學）！」跟之前網上片段「Angel放假」有異曲同功之妙。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
