劍神張家朗於巴黎奧運衛冕再奪金，成為香港之光。再次成為風頭人物嘅張家朗感情事亦成為大家嘅焦點，早前被爆有法籍女友嘅佢冇否認都冇確認戀情，今日張家朗女友就少有「低調」放閃，非常之sweet呀！
張家朗女友Solène Butruille今日喺IG STORY POST出一張戲水嘅相，佢打嘅地點為日本沖繩石垣島，相中有一男一女背影，二人着上背心，男方雖然得少少側面，但都見到佢甜笑中，仲有張家朗非常signature嘅髮型，都好難唔係佢。Solène罕有低調放閃，不過就被家朗右臂上嘅奧運紋身「出賣」，Solène仲打上一個小小嘅藍色心心，非常內歛。
曾於東京奧運後表示單身嘅張家朗早前被爆現時名草有主，佢同法國女劍手Solène Butruille嘅過往合照更被翻出，不過問及新戀情報道，佢冇正面回應，但就笑晒口答：「大家睇到係啲咩，我都冇嘢講畀大家知！」其實去年張家朗與劍友吳諾弘等被影到一班人去居酒屋用餐，當時張家朗身旁坐著一名外籍金髮美女，張家朗亦怕悶親女方，不時與她說話，又在朋友面前搭著女方背部，關係親密。
而張家朗奪金後，佢率先轉發女友Solène Butruille嘅限時動態，女方連出三Post恭賀男友，其中一個貼文更讚佢係「The Legend Ka Long（傳奇家朗）」，而今次奧運女方都有同行，本身是法籍運動員的她，轉發了一張奧運工作證，上面寫著她的崗位是「Personal Coach/ Support Personnel（個人教練/支援人員）」，工作證上仲寫住「Hong Kong, China」，指甲上更塗上了香港區徽圖案，佢留言：「The best day of my career but no as a fencer（我職業上最好的一天，但並非以劍手身份）」而工作證後，更擺放著一件寫住「CHEUNG HKG」的比賽服和面罩，正是張家朗為港披甲上陣的戰衣！
Solène Butruille都係法國劍手，曾參加過多個劍擊大賽，如「上塞納國際挑戰賽（Challenge International des Hauts de Seine 2022）」、都靈大獎賽等，張家朗與女友同年出世，翻查女方社交平台，除咗打劍，本身仲讀緊醫科，而佢亦有大方分享泳衣相同生活照，樣靚身材好，仲文武雙全，同家朗非常之襯呀！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
