中年好聲音3丨肥媽聽夠三秒即撳燈引網友熱論 遭伍仲衡寸爆：佢盞燈冇熄過呀

肥媽Maria Cordero、張佳添、周國豐、伍仲衡及嘉賓評判曾路得昨晚為十位參賽者評分，滿意演出就會撳燈，參賽者滿五燈就可以直接晉級，如果只得一至兩盞燈就會直接淘汰。昨晚10位參賽者實力懸殊，部分參賽者口震震兼不慎走音，不過肥媽就擔當親善大使的角色，逢人派燈，而且誇張到幾乎開口兩句就已經畀燈，伍仲衡都大感側目而周國豐亦全程眉頭緊皺，曾路得都忍不住出言勸肥媽盡早撳燈。

+18

+17

點擊圖片放大

最終只有王鄭俊仁一名參賽者獲得「五燈」，亦是伍仲衡唯一有亮燈的代表，伍仲衡煞有介事寸爆：「所以值得攞嘅我係會畀（燈）！喂都畀啲掌聲肥媽先啦，佢盞燈冇熄過，唔關我事，可以唔使熄呀喇！」車婉婉怕惹火頭即時勸阻伍仲衡，肥媽企起身反駁：「關你咩事啫？人哋打低咁多人，嚟到呢度，唔值一盞燈咩？」最終王鄭俊仁的影片短短12小時已經有超過4萬YouTube點擊，他更親自留言答謝大家的支持，「大家好，我是Rax王鄭浚仁，感謝每一位的鼓勵和感恩人生第一次到香港可以得到大家的認可，我真的沒想到自己會拿5燈，當時第一時間就直接想跟媽媽報喜，我會繼續保持謙虛的心態學習和認真的唱每一首歌，感恩。」

最終肥媽成功為十位參賽者派出十盞燈，全晚評判的總數只有二十七盞燈，肥媽幾乎佔三分之一，她撳燈而出現在電視畫面的機率最高，所以節目組都特別將「特效」加在肥媽的燈上，令廣告商的字眼可以喺燈上面睇到。雖然肥媽派燈過去兩輯都有發生過，不過今次再次引起網友們熱論，有正評亦有負評。

+7

+6

點擊圖片放大