鄭丹瑞大女鄭瑤宣布嫁金融才俊 旦哥欷歔如失戀叫女婿「留意歌詞」

旦哥大女鄭瑤今日於社交平台晒出巨鑽，以及同和金融才俊未婚夫「大鼻版黎明」Jacob Chan嘅合照，公布即將結婚，留言：「Days have been brighter lately#isaidyes」，公布即將結婚。有指其未婚夫曾在劍橋工程系畢業，曾在倫敦從事金融業，之後在哈佛讀MBA，兩年前返港後打理家族辦公室生意，3月去巴黎時成功求婚。當時鄭瑤要到巴黎時裝周工作，男友就驚喜飛到當地陪伴為她慶生並且浪漫求婚！

旦哥大女單身多年，2022年時二人父女檔錄影節目，鄭丹瑞心急公開招女婿，而鄭瑤即發表少女心事：「有時鍾意嗰Type但性格又唔係好啱，當然有（心儀對象）啦，但又好似好難。」不過真愛只會遲到，冇話缺席，鄭瑤同未婚夫非常有緣份，兩年前因在同日同時段去東京某餐廳出席不同商務晚宴，發現大家都是香港人便開始聊天，傾談後得知大家志趣相投，都喜歡閱讀和畫作，慢慢成為戀人。去年10月鄭瑤同Jacob Chan同遊上海，其後又一起飛杭州、英國倫敦、比利時，不過一直未有公開關係，直至今年情人節鄭瑤放閃：「Life’s better with you in it（生命中有你過得更好）」間接公開新戀情，仲搞笑Hashtag「黎明」。

+21

+20

點擊圖片放大

旦哥一向對女兒疼愛有加，阿女細細個已經作咗首《那夜我替女兒挍背脊》，盡訴爸爸的愛。2017年出席活動時，鄭丹瑞曾坦言不捨得兩個囡囡將來嫁人，當時大女鄭瑤冧爆爸爸說：「就算將來有男友，都會繼續攬住你。」而旦哥喺個女宣布婚訊冇耐，都出咗一個非常欷歔嘅post，以歌曲《I Loved Her First》做背景音樂，留言：「這個下晝，忽然收到排山倒海的訊息，都是恭喜我終於做外父了！情緒一下子消化不來，決定食杯雪糕冷靜下自己，然後統一回覆：多謝各位的祝福🙏女婿，請留意歌詞…」

+24

+23

點擊圖片放大

旦哥雖然「先愛」自己女兒，但女婿對阿女都同樣非常寵愛，之前鄭瑤曾post出同Jacob嘅旅遊照，當中有一條片見到Jacob溫柔咁為鄭瑤按摩小腿，非常有愛，同「挍背脊」一樣咁窩心，相信旦哥可以放心交囡囡畀女婿喇！

《I Loved Her First》歌唱如下：