尋日係開學日，唔少藝人家長都分享自己小朋友嘅校服照做紀念，而大家睇住大嘅李璨琛女兒Lucy（李元元）都有被媽媽出賣「小學雞」look，除咗佢個招積樣之外，佢嘅超長校服裙都成為咗重點。
Lucy媽媽梁志瑩（Sophia）post出多張阿囡身一日返小學前嘅相，留言：「李元元終於要做小學雞，長大咗嘅應該係李老母，終於沒有分離焦慮症，亦竟然沒有依依不捨，因為我知道，屋企仲有個細嘅俾我玩，yeah😂😂😂 #有人竟然6點半自己彈咗起身 #返到屋企我問我個女 #你有冇漏咗帶啲乜嘢 #佢答我 #你咩都漏晒呀媽媽🤣🤣🤣 #老師話我又冇家課冊又冇通告又冇乜乜盛盛😅 #條友仔而家成日學我講盛盛」
LU媽仲POST出一條佢送Lucy返學嘅片段，片中佢好開心咁叫Lucy做「小學雞」，而Lucy都跑跑跳跳，顯得好開心；之後媽媽就問佢緊唔緊張，佢就話自己唔緊張，仲有啲興奮！不過LU媽就踢爆佢有啲咳咳，囑咐佢要快啲好番！
唔少網上LU媽睇到自己「女兒」長大都覺得好感動，但都忍唔住將焦點放喺Lucy嘅超長校服裙上面，留言：「一睇就知校風純樸，條裙咁長，對襪又咁長。」、「我估係李老母特登買大啲碼，買大啲碼可以着耐啲。」、「可以著多至少3年。」、「小學雞❤️呢條校裙著多5年都可以😂😂」、「條裙可以著到小學畢業。李老母又慳番好多。」不過都有人擔心向橫發展嘅阿Lu都會好快唔啱着：「校服裙好似已經開始有啲窄窄哋。」、「條裙係長啲，但個膊頭位係啱尺寸喎。」而經常自嘲係貪錢老母嘅Sophia見到大家反應咁熱烈都忍唔住出嚟解釋：「今次真係唔關我事㗎，買校服姨姨幫我預㗎。」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
