漸漸我們│呂爵安Edan中學時期被撬牆腳課室爆喊 陳凱詠Jace有秩序Set時間發洩免出醜
呂爵安（Edan）與陳凱詠（Jace）近來推出合唱情歌《漸漸我們》，二人曾經在《拉闊音樂會》合作，已經十分老友，外型和聲線都非常合襯，唱情歌絕對適合，不過二人似足歡喜冤家，一見面就互相鬥嘴，笑料百出。
呂爵安和早前為新歌宣傳，接受訪問時大談以往的戀愛經驗。呂爵安自爆中學時候被師姐封為「荃灣許廷鏗」，還經常參加模特兒比賽：「學校每年都會搞Fashion Show，每班都有男、女Model代表，我仲有參加Model比賽，我仲要贏埋，唔止一屆。」他笑謂自己是學校中的男神，在旁的陳凱詠不斷取笑，碌大雙眼有感疑惑：「真咩？難以置信，Model喎，以咩資格參加，係身高？定係行嗰個站姿？」
讀書時候，呂爵安在校內十分活躍，自言是學校內數一數二的靚仔，承認人緣不錯，不少師姐妹都會追蹤他的IG，而且分別試過有男、女同學追求。他曾收過男同學的曖昧訊息，他嚇得立即扮作沒有看過，不敢回覆，也曾經試過同時有兩女同學追求，
陳凱詠立即追問，同時間兩女追求，呂爵安會如何選擇，呂爵安說：「唔係我追，我唔係好主動，因為唔好意思，其中一個表白咗，我覺得同班如果拒絕就唔好意思，怕面左左…，但一齊之後就越來越鍾意越來越好嘅。」
回憶這段在中三時發生的Puppy Love，呂爵安表示曾經有同學撞破女友與其他男仔出街，後來分手，他傷心得在課室內痛哭：「小息嗰陣就喺班課喊，之後上堂我都一直伏喺枱喊，隔離女同學見到都擰晒頭。」
陳凱詠自言專心讀書，並沒有太多戀愛經驗。她自言有試過分手後心情難以平復，要花逾年時間痊癒：「可能以為自己過度咗，冇喊以為冇事啦！點知聽到一啲嘢，或者講起有啲事觸動到情緒，就又變得大上大落好波動，真係要完全放低要長時間。」
失戀時，陳凱詠選擇以豪哭來發洩情緒，她的「豪哭」絕對有自制能力：「我會瘋狂喊，喊到眼都爆烈，喊到攰冇眼淚，就好啲。細個啲嘅時候，我有安排時間，因為要做嘢怕畀人眼到，所以mark schedule喊，要做嘢嗰陣就忍住，話畀自己知忍多陣可以喊三粒鐘。如果夠鐘時候喊唔到，就播啲歌令自己喊，等自己發洩晒。」
期間，呂爵安和陳凱詠大談戀愛經，陳凱詠反問他會否嫌棄對象太感情、或者情緒太飄忽，呂爵安跟普遍男士一樣，表示都會怕女仔情感太豐富和太飄忽。近來呂爵安被爆與林明禎秘密拍拖，還於歐洲約會食飯。被問到林明禎是否一個飄忽的人，呂爵安支吾以對拒絕回答。
而在MV中，呂爵安和陳凱詠飾演一對已分手的情侶，大家在人潮內再遇，陳凱詠坦言曾經有類似驗經，與前度再遇：「有次睇完戲見到佢同現任女友買戲飛，我當時驚到呆咗，好似MV入面咁定住咗，所以拍MV時拎番個感覺出嚟拍。真係會好似世界靜止咗，有種無地自容感覺。」
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
