吳日言育有三仔女，早前為了子女升學的打算，決定移民到英國。一家五口正在開始適應新環境，有如打機關關難過都要關關過。生活上，吳日言與老公Barry在探索下都能妥貼安頓得好，唯大獨升小一的女兒，卻讓她迎來第一個難關。
剛過去的6月小一派位，吳日言大女Beatrice（Bea）派大獲第8志願學校。眼見做足準備，教足女兒面試時如何應對，可惜並未派到心儀的學校，加上眼見女兒幼稚園3年班已經好多功課，預視升上小一後會有更多，為免教功課影響母女感情，於是決定去英國居住，讓子女輕鬆讀書。
8月時一家五口就啟程到英國，展開新生活後，吳日言繼續分享了在當地的生活，所遇到的事情。不過，移民後第一個難題，竟然是女兒大脾氣，令阿媽頭都大，要在網上向其他母親求教。
吳日言深夜出帖文，甚為迷惘，「唔明白點解一個五歲嘅女孩態度可以咁差？就算有我遺傳，在我細個時候都唔夠膽對家人發脾氣。每次當我教訓佢嘅時候，佢都用一種極度不滿意嘅態度回應我，得啦、知啦、聽到啦！眼神同個嘴唔知點解要藐來藐去。以前得我同佢兩個嘅時候，佢唔會咁嘅態度。而家阿爸廿四小時都係佢身邊，佢嘅態度就越嚟越差。我差不多每晚都要帶住憤怒離開佢間房。同佢講嘢好似完全接收唔到咁，仲教個細佬做啲曳嘢，喺張床跳跳跳，然後跌咗落床。有時真係嬲到唔想睬佢，不過佢完全冇feel，仍然係左耳入右耳出。點算呀?我真係唔知點樣處理。」
前主播鄭文已為人母有經驗，就分享以前女兒踏入青春期都有類似的情況，「主要係你要同老公商量，老公不可以成為佢靠山，要老公同佢講尊重媽咪，媽咪屋企地位好重要。」而有其他朋友都細心解釋，「始終佢要同兩個細佬分左你嘅愛，同埋而家大咗， 你又會話多咗佢， 佢會覺得你為細佬而話佢，所以有時同細佬一齊做衰野， 等你連細佬都話，你要畀佢知，媽咪話你唔係因為唔愛你，只係唔鐘意你呢個行為，因為會整親，整親你損咗會好痛，媽咪見你痛都會唔開心。教小朋友太大學問，你同個女一齊做彩虹呼吸，一齊冷靜下先再傾會好啲。」吳日言老公Barry都有認同留言。
經過一晚的冷靜後，吳日言都有自我反思，自己解決了問題，「沉澱咗一晚之後，明白自己已是三位小朋友的媽媽，亦應該要有做媽媽的風範，不要跟小朋友計較。從每次不懂去面對，經過反思從而學習，我相信我會做得更好。所以我決定要做一件令自己開心嘅事，就係去shopping！」她帶著子女們出去逛街，都有不少戰利品，心情立即暢快，兩母女冇隔夜仇，笑得多燦爛。
其實，一直以來吳日言都表現好強，以往跟老公在港做生意一起打拼，現在去到英國重新建立生活，自己都要添置家具等家務，她初到埗時笑言未開始「一打三」單獨照顧子女的日子時，自己仍像在放假，「初嚟報到🇬🇧，最怕行太多冤枉路，好彩有朋友同📱社交平台，讓我了解四周圍的環境🗺️，重新建立我的大家庭。」跟著，更已經體驗當地的醫療，大女在當地就第一次體驗要剝牙，阿女驚到喊，但仍然順利剝了兩隻牙，吳日言都要立即讚叻女。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【登記領取💰】Facesss HK$200現金券！
↓無最低消費要求～免費入手美妝護膚品🛒💗↓
