超強颱風摩羯來襲，天文台昨晚6點20分掛起八號風球，由於颱風移動較慢，所以八號風球維持至中午時間。打工仔今次雖然算有半日「風假」，不過不少行業都要照常上班。TVB節目《東張西望》昨晚如常直播，由《東張》女神吳幸美和李旻芳一齊主持，收工時兩位女神都相當狼狽，原來幸美自封「暴風女神」背後有一段故。
昨晚《東張西望》由吳幸美和李旻芳兩位女士主持，直播的時候八號風球已經懸掛，節目開始前，幸美在化妝間自拍留言說：「我又發揮暴風女神嘅力量又係咁啱打風返工，要記錄一下，依家已經掛起8號風球，大家放工回家小心喲，一陣7:30pm 東張西望見 #東張西望 #主播」
節目中，幸美和李旻芳表示在將軍澳電視城雖然沒有雨，但非常大風。結果，兩人完成直播工作後準備在電視城離開時，面對強風都相當狼狽，幸美提供的連環圖非常可愛搞笑，她們除了收工服裝襯到絕之外，同樣被強風吹到頭都亂晒，絕對是共同進退。
吳幸美接受本網電話訪問，對於她自封「暴風女神」，她表示：「因為我爸爸媽媽1983年一個好勁嘅颱風叫愛倫，當時『製造』我，我媽媽話係12級颱風，不過我上網搵過係10級颱風，暴風下『製造』出我。而我出世當日喺醫院時候都係橫風橫雨，所以同颱風都係結下不解緣。」網上資料顯示，幸美出生當年的6月15日前前後後都有颱風襲港，「暴風女神」果然名不虛傳。
吳幸美續言：「入行之後，成日都撞正打風日子返工，當時有做外景遇到十號風球天鴿，出外做採訪，後來十號風球坐廠都試過，今日坐廠都算順利完成任務，平安返到屋企。公司好好有安排颱風車畀我哋接送我哋幕前同幕後同事安全返工放工，今日我就自己揸車，所以冇坐公司車，另外有樣嘢都好貼心，就係公司會安排颱風飯，確保大家開工有食物醫肚。」幸美表示經常打風開工，特別是外景，所以她都有準備好「神器」，原來是一把12骨長遮，每次打風外景都會自備，幾大風都不會反遮，認真厲害！
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
