香港的單位普遍偏小，但多花心思設計也可以用盡空間達致實用效果。一名網民分享其400呎單位大裝修成果，儘管面積不大但仍然間到3房、2廳及大廚房，其中浴室更是三分離，工程連訂造傢俬埋單約50萬元。屋主自言十分滿意成果，而網民亦紛紛大讚單位設計得非常實用，認為感覺比實際面積大之餘，又形容屋內的三分離浴室為「夢寐以求」的廁所。
同場加映：
管家王｜8款衣物慳位口袋式摺法 易收納不易散免塞爆衣櫃
有網民在Facebook群組「家居裝修設計分享Group」發帖分享單位「全爆」的成果，他指單位只有約400呎，但裝修後做到3房、2廳，還有一個大廚房和三分離浴室，並更換了水喉和電位，所有傢俬都是度身訂造。
玻璃趟門分隔兩間細房
從照片所見，單位採用木色為主，一入門右邊就是飯廳，左邊就有兩間小朋友房，房內各有一組書枱、衣櫃和高架床，事主形容「佢哋房雖然細，應有嘅嘢都齊哂」，兩房之間用玻璃趟門分隔，而且可以做到霧化和透明，保障小朋友私隱。不過事主就指當中就有個小小的設計缺憾，「其實我果陣應該做三趟門，開門通道闊啲，無聽到工程公司講，而家後悔緊」。
三分離浴室成焦點
單位沒有特別間到玄關位，但用台地區分客廳和飯廳，「小朋友就最鍾意喺客廳個地台櫃上面玩、碌」；兩廳中間通道位置就有靠牆到頂大書櫃，放滿小朋友的書本和桌上遊戲。客廳電視牆後則是主人房，毗鄰就是三分離浴室，裡面將沐浴、如廁和洗漱分區，各區都以長虹玻璃相隔，其中沐浴區還有浴缸和淋浴區，戶主自言三分離浴室是最滿意的空間，「呢個真係好緊要，每朝起身唔使再搶廁所用，而家朝朝起身刷牙都刷耐咗，太鍾意嗰個空間啦，自己揀嘅色好靚，天花個星星燈閃吓閃吓一又好靚；淨係呢個布局工程公司都諗咗好耐，多謝佢哋將我哋嘅想法實現咗出嚟」。
至於廚房位於飯廳後方，同樣採用長虹玻璃分隔，裡面空間充裕，有凹形枱面而且有一組吊櫃，門口旁邊亦有一個到頂櫃，擺放不同食材和飲品。而全屋的燈具都是從淘寶選購，智能燈掣面則由工程公司介紹，他大讚：「真係簡單使用又實用，唔複雜，而家返屋企或出門，掣一個制就搞掂晒。」
事主表示，負責的工程公司由朋友介紹，裝修前已經傾好所有細節，即使開工後出現問題，對方都願意仔細傾討解決方案，讚揚工程公司十分用心，最終耗時大概5個月完成裝修，自己和家人都十分滿意成果，「成個裝修過程雖然長，但做到我地想要同需要，好值得」。
網民大讚實用：廁所真係好正
許多網民都大讚事主單位的裝修效果，認為相當實用和美觀，感覺不似400呎的小窩居，當中的三分離浴室更獲得網民高度評價，「好實用，完全唔似400呎」、「浴室、廁所設計好好、非常實用，係我夢寐以求嘅三分離廁所」、「真係睇唔出係400幾呎！個廁所真係好正！」、「你呢個三分離見過咁多分得最好」、「好實用，設計有心思，可做示範單位」。事主後來補充指，整筆裝修費約50萬元，形容「痛一次」；有網民則安慰表示，只要能夠做到心水效果亦算值得。
」，
App內睇文同睇片可隨時捕捉U Fun彩蛋，
換領現金券及禮品！
【送機票✈️】《社群》請您去旅行🌎！
↓ 登記享$0飛首爾／曼谷享受Chill爆假期 ↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
