有兩名女苦主向《東張西望》申訴，被人「唔熟唔食」騙錢兼騙感情。有人利用中學同學關係，借朋友錢唔還，而這事情揭發，原來這件事已有13位苦主在社交平台力數一對騙錢夫婦合共1600萬，現時已經走佬難以追討。有事主借財務公司未能還債，被淋紅油兼要申請破產，十分狼狽。
一位李小姐（化名）向《東張西望》的主持人梁菁琳哭訴，被騙感情之餘，亦被騙去整份買樓首期。李小姐接受訪問時透露，2018年突然收到中學同學Karen求助電話，第一次借20萬應急，因為女兒要換心，自稱欠幾萬元手術費：「當時覺得佢冇必要攞個女條命去呃我，我又係人哋媽媽，嗰刻覺得好心痛。佢個女好番之後帶好多禮物畀我。」
其中一份禮物是閃石畫，由於太精美，Karen放於社交平台時，有很多人想買，於是Karen動了生意「頭腦」，找李小姐一起合資開舖賣畫，李小姐表示Karen自稱任職入境處，不能一人持有多張信用卡，於是游說李小姐以個人名義開信用卡入貨：「佢話接咗人啲單，如果賣唔到就冇錢：『我都仲欠你錢，你唔出（卡）畀我，我整唔到呢啲畫，又畀唔到畫人哋，我就會畀人告』，我聽完又好似覺得我令到佢畀人告，所以被迫出一張。我想你還錢，就要幫你手。」
閃石畫公司生意越做越好，Karen甚至開拓業務，發展泰國旅行團生意，當時已欠李小姐過百萬元，但一直沒還過錢。李小姐憶述：「積蓄係賣舊居樓轉私樓時嘅錢，以為夠畀首期，咁啱遇呢件事。兩年間為公司開咗多張信用卡，後來發現公司註冊冇落李小姐名。我有問過佢點解用佢先生個名，佢答我因為唔係成日一齊，如果簽文件、簽合約簽就難。」李小姐眼見Karen以公司名義做善事，覺得對方好有善心：「所有事情都做到好真，我已冇諗攞番錢。」
2020年閃石畫公司受疫情影響生意，當時Karen已欠李小姐400幾萬，但仍然謂要在工廈開發餐廳業務，聲稱今次一定會還錢給李小姐。但這個生意，使另一位苦主陳小姐（化名）被捲入騙局。陳小姐跟Karen在慈善活動中認識，對方最初陳小姐最終亦受Karen慫恿下投資共65萬。
騙徒手法層出不容，以不同藉口未有還錢，陳小姐爆料指，聲稱公司被「爆格」導致戶口不能使用、還有開支票未能兌現，還偽造銀行訊息，以及搵人扮政府部門職員打畀陳小姐，懷疑陳小姐戶口洗黑錢要調查。還有因家人有病向陳小姐借錢，陳小姐不但向財務公司借錢，亦向媽咪借30萬，然後再問哥哥借100萬。原本到還錢日，突然收到Karen訊息表示被拘捕未能還錢，之後便失聯。
陳小姐在社交平台找到其他苦主被騙錢，其中跟李小姐聯絡得知事情有古怪去報警。隨後分別曾經可以跟Karen的大女和兒子通話，兒子跟陳小姐電話，陳小姐覆述電話內容：「佢聲稱父母帶住兩個女離開咗香港去咗英國，佢話佢哋要走佬，再唔走要坐監，佢個仔話唔想離開香港所以冇走，當佢個仔知道我哋報咗警後。佢個仔好驚，因為佢同另一個苦主承認，假扮職員打畀我，驚我認得佢把聲。」社交平台不止一專頁內，有苦主力數兩夫妻欠錢，惟有報警求助。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
