前TVB「御用宮女」李美慧（ViVi）與百億富商曾文豪結婚六年，誕下一女一子，湊夠「好」字。李美慧成為「百億少奶」後淡出娛樂圈，不過生活就依然好貼地，日前佢去到一間平民連鎖餅店買麵包，不過就不幸買到有問題貨品，令佢非常無奈。
李美慧Post出多相片同片段，留言：「聖安娜麵包店，太令我失望了，剛買回的麵包，返到屋企發現麵包低部原來發霉，另一袋就有蟲，大家要小心，在跑馬地店。」片中見到一個疑似係腿蛋包，底部有一撻藍黑色疑似霉菌，而另一袋三個裝嘅餐包仔就有一隻半厘米左右大嘅蟲仔，最恐怖嘅係，李美慧已經咬咗三份之一。
李美慧拍片語氣帶少少憤怒，表示：「啱啱出街買咗麵包返嚟，買咗好多袋，突然間發現有一個係發咗霉，之後仲有一個有蟲，食食下喺入面爬出嚟好核突。」唔少網民都覺得好離譜，又叫佢報東張，有人留言：「真係好恐怖如果冇留意俾咗小朋友食都唔知點算，麵包又唔係特別平，有時香港店鋪成日怪香港人上北上消費，但本身自己又冇把產品做好，點樣支持呢？」又有人問佢會唔會返去投訴，李美慧就表示：「準備叫工人拿去舖頭問吓。」
李美慧淡出娛圈後重心放在照顧家庭上，不時於社交平台分享親子日常、一家出遊的照片，生活無憂又美滿。不過李美慧都依然好簡樸，唔會特別大曬名牌同生活奢華，一家都係鍾意親親大自然，當年結婚時曾文豪都有講過係被佢嘅簡單純樸吸引。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
