MIRROR成員呂爵安（Edan）早前被踢爆，與大馬女神林明禎秘密撻著，更於歐洲撐檯腳食飯被影到，Edan就稱二人正係「了解中」。戀情成為大花生，唔少網民都熱烈討論，日前Edan唔小心like錯雷深如一個post，引發網民認為佢同林明禎已經發生性關係。
日前Edan同明禎拍拖新聞爆出後，雷深如就喺社交平台度食花生，表示：「『了解中』 係咪即係打咗羽毛球啦？」「我想約你去打羽毛球」於香港成為了一種新的「性暗示」，因為早前香港教育局一份涉及性教育嘅支援教材有關，裏面提及若有性衝動時候可到運動場打羽毛球，成為國際笑話。而Edan唔知係咪手指太肥，竟然like咗雷深如呢個post，令大家聯想到佢同明禎係咪已經發生性關係。
Edan勇於承擔，喺社交平台講清講楚：「實在見到太多流言，我的性格真的不太能忍受這種情況，所以我希望澄清一下。昨晚我看到一個threads，覺得裏面的猜測對女生十分不公平，於是我便想留言希望停止胡亂的猜測，但最後打消了念頭因為不想再節外生枝。沒想到這個過程卻不小心按到了讚好，令大家產生了誤會。」
Edan大方承認正在追求女神，稱仍然未追到：「我不想再影響到女生的聲譽，所以我希望在這裏回應最後一次。明禎是個很好的女生，我對她很有好感也正在追求她，亦希望未來有發展的空間。但我和明禎現時真的只是朋友，沒有任何其他，希望大家能夠給予一些空間，也不要再做任何猜測了。」
其實9月8日Edan出席活動時已經護花心切，明禎不日將會出席公開活動，Edan向傳媒表示：「大家嗰日手下留情啦。有咩問我啦」，之後更細細聲向傳媒請求︰「大家畀啲空間我！」。明禎到時就算係公開接受或者拒絕Edan，相信都會非常哄動。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
